→ كل الوصفات
حقيقي عظميتوووو 🫶🏻 كل سنه وًانتم طيبين و رمضان كريم علينا و عليكم و ع الامه الاسلاميه كلها يااارب 🕊️📿🫶🏻 تعالو نعمل تشيز الكنافه بطريقه سهله اكتير و بسيطه و مش مكلفه باذن الله جربوها #ع_طريقتي و مش هاتندمو ابدا
المقادير
- 1/2 كليو كنافه
- زبده ع سمنه
- كريم شانتيه
- لبن متلج
- علبه قشطه
- 4 مثلثات جبنه
- عصير نص لمونه
- 1/4 كوب سكر بودره
- مانجا
- سيرب للتسقيه
طريقة التحضير
- هاندهن الصنيه كويس سمنه ع زبده و نفتفت الكنافه و هرصها ونضغطها كويس خااالص و ندخلها الفرن تتحمر ونطلعها نسقيها بالسيرب و نخليها ع جمب
- ف المكسير تبع العجان هانحط الكريم شانتيه الخام مع السكر البودر و اللبن المتلج و نشغل ونخفق كويس وبعدها نضيف القشطه و الجبنه المثلثات و نخفق ونحط نص اللمونه و نزود نص كوبيه ميا متلجه و نقلب ونحطها ف التلاجه تجمد شويا
- هانقطع المانجا و نقلبها نص قلبه ف الكبه و نطلع الكريمه من التلاجه ونحطها ع الكنافة و نحط عليها المانجا و نزينها زي ما نحب و ندخلها التلاجه تمسك شويا ونقدمها و بالهنا 🫶🏻😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد