→ كل الوصفات

تشيز كيك بالتمر

من غير مكونات غاليه اكتير وًباقل تكاليف هانعمل احلي تشيز كيك حقيقي وهمي جربوه #ع_طريقتي 🫰🏻 ولا احلي

  • بسكوت شاي ساده
  • علبه جبنه لبنه
  • 1/2 كوب كريم شانتيه خام
  • 1/4 كوب سكر بودر
  • 3 م ك جلاتين
  • كوب عصير تمر باللبن
  • كوب لبن متلج
  • 1/2 عصير لمونه
  • فانليا
  • 3 م ك زبده سايحه
  • 2 م ك قشطه
  • صوص التوفي
  1. هانطحن البسكوت ف الكبه ناعم و نضيف عليه الزبده وًالقشطه و نطحن تاني.. نجهز صنيه التشيز كيك و نرص البسكوت و نضغطو كويس و ندخلو التلاجه
  2. ف المكسر هانحط الكريم شانتيه و اللبن المتلج و السكر البودر و نخفق كويس خالص و بعدها ننزل بالجبنه و كوب عصير التمر باللبن و نخفق تاني
  3. هانحط نص عصره لمونه و و الفانيليا ونخفق ف مج صغير هانحط الجلاتين و منزل عليه بميا مغليه و نقلب كويس خااالص لحد ما يدوب الجلاتين تمام هاناخد الخليط و ننزل بيه ع البسكوت و نسوي سطحه كويسه وًندخلها التلاجه لمده مش اقل من 5 ساعات
  4. بعدها نطلع و قبل التقديم نزينها بصوص التوفي اللي عملتو من قبل و نقدمها و بالهنا و الشفا 🫶🏻🌹
  5. اظن ما فيش اسهل من كدا و الطعم حكايه حقيقي اول مرا اعملو و ماكنت متوقعه هالنتجيه فعلا الحمدلله 🤲🏻🌹 هنا الجبنه اللي استخدمتها 👇🏻 وكمان منقوع التمر قبل ما احط عليه اللبن
عجبتك الوصفة؟
شوف كل وصفاتنا في مكان واحد
كل الوصفات →