→ كل الوصفات

تشيز كيك بالفراولة

لذيذة جداً ومش مكلفة وتنفع في الجو الحر دة

  • 10 اكياس بسكويت اهلاوى او لوكس
  • علبتين زبادي بلدي او چهينة بدون طعم
  • كيس كريم شانتيه
  • 5 وحدات جبنة كيري او اي نوع جبنة زي جبنة نيستون مثلا
  • كوب لبن ساقع
  • معلقة چيلاتين بودر
  • كيس لبن بودر زي نيدو مثلا
  • كيس چيلى بالفراولة
  • 1/4 كيلو فراولة لو متاح ولو مش متاح عادي نعملها بالچيلى بس
  1. نفرم البسكويت في الكبة ثم نضيف عليها معلقتين زبدة او سمنة سايحة حتى تفرول ويمكن تشكيلها وهى مفرولة
  2. بعد ما بنخلص بنحط البسكويت في صينية ونحطها في الفريزر عقبال ما نخلص الباقى
  3. في طبق غويض بنحط الكريم شانتيه والزبادي واللبن الساقع والجبنة واللبن البودر نضربهم بالمضرب الكهربائي جيداً لحد ما قوامة يتقل ويبقى كريمة زي اللي بنزين بيها التورتة
  4. ملعقة الجيلاتين بنحطها على ربع كباية ماء دافية ونقلبهم جيداً ونحط على الكريمة اللي احنا عملناها
  5. ثم نحط طبقة الكريمة على البسكويت ونخليها في الفريزر لمدة ساعة ويمكن اقل غلى حسب قوة الفريزر
  6. على نار متوسطة بنحط الچيلى وكوباية ماء ساقعة في حلة على نار متوسطة ونفضل تقلب لحد ما يتقل حاجة بسيطة ولو في فراولة هنقطعها بالشكل اللي احنا عايزينوا ونحطها على الچيلى ولو مفيش فراولة نستغنى عنها عادي
  7. نسيب الچيلى يبرد لمدة 5 دقائق ونحطوا على طبقة الكريمة والبسكويت اللي احنا عملناها ونسيبها في الفريزر لمدة ساعة وخلاص كدة
  8. بالف هنا والشفا على قلبكم بأذن الله ❤
عجبتك الوصفة؟
شوف كل وصفاتنا في مكان واحد
كل الوصفات →