→ كل الوصفات
مافيش احلى من النوتيلا تدلعي بيها نفسك بعد يوم طويل .. يا سلام لو معاها تشيز كيك طعم حلو نبدأ بيه سنة جديدة .. سنة حلوة زي النوتيلا
المقادير
- 30 وحدة بسكويت شوكولاتة دايجستف او اي نوع
- 50 جم زبدة دافئة
- 1.5 ملعقة كبيرة رقائق شوكولاتة (chocolate chips)
- 1.5 ملعقة كبيرة سكر
- كوب الا ربع زبادي
- كوب إلا ربع لبن بودرة
- 3 وحدات جبن كيري
- ملعقة صغيرة فانيليا
- 12 ملعقة صغيرة نوتيلا
- شوكولاتة من اى نوع
طريقة التحضير
- فتتي البسكويت كويس و بعد كدة قلبيه مع الزبدة الدافية
- رصي ورق الكب كيك و وزعي البسكويت بالتساوي
- اضغطي ع البسكويت كويس باي حاجة صغيرة (غطا ازازة مثلا) علشان يتماسك كويس
- بعد كدة اضربي الزبادي مع اللبن البودرة و الكيري و السكر و الفانيليا لحد ما القوام ينعم
- ضيفي رقائق الشوكولاتة و قلبي بالملعقة يعني من غير ما تضربيهم مع بعض علشان تحافظي على لون التشيز كيك فاتح
- بعد كدة وزعي الخليط فوق البسكويت بالتساوي
- سيبيها 10 دقايق على اخر رف تحت في الفرن و ولعي الشواية بس
- لما لونها يتغير زي الصورة طلعيها و سيبيها تبرد خالص
- غطيها بالنوتيلا و قطع الشوكولاتة.. و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد