→ كل الوصفات
طريقة عمل تشيز كيك 🍰 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 10 اكياس بسكويت
- 2 ملعقة كريم شانتيه
- 2 معلقة لبن بودرة
- 2 معلقة سكر
- 5 جبنة كيرى
- كوب لبن ملثج
- 2 معلقة قشطة
- 2 معلقة كبيرة زبدة سايحة
- للتزيين
- شوكولاتة مبشوره
- مربى
طريقة التحضير
- نكسر البسكويت كويس اوي ونحط عليه الزبدة السايحة ونقلبهم مع بعض كويس اوي لحد ما تكون شكل الرمل وبعد كدة نفردها في صينية ونحطها في الفريزر
- ونحضر الطبقة الثانية وهى كريم شانتيه عليه سكر ونقلبهم كويس مع بعض بعد كدة ننزل باللبن البودره ونقلب ثاني كويس وبعد كدة ننزل بلبن المثلج ونضرب كويس اوي
- بعد كدة ننزل ب الجبنة الكيري ونضرب ثاني كويس وآخر حاجة القشطة بس كدة
- نروح نجيب الصينية من الفريزر ونحط فوقيها الطبقة الثانية ونرجعها ثاني في الفريزر
- بعدما الطبقتين يجمدو كويس نبدأ بالتزيين زي ما في صوره بس كدة 🥰
- الف هنا عليكم 🥰🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد