→ كل الوصفات

تفريزات رمضان

يلا نوفر وقتنا للعباده في الشهر الكريم وتقبل الله منا ومنكم صالح الأعمال 🌺رمضان كريم🌺

  • بسله (بازيلا) وجزر🥕
  • طماطم🍅🍅🍅🍅
  • كفته الأرز
  • كوسه🥒
  • فراوله🍓🍓🍓🍓
  • برتقال وجزر🍊🥕🍊🥕
  1. البسله (البازيلا) بنفصصها ونغسلها كويس ويقطع عليها الجزر وتعبأ في اكياس للتفريز بدون سلق ولا اي حاجه بتطلع وقت الطهي خضراء وكأنها طازجه
  2. الطماطم حفظت منا شويه كدا زي ماهي في الفريزر بس غسلتها كويس تعبأ في اكياس الثلاجة دي طريقه 🌸والطريقة التانيه عصرتها في الخلاط وسبكتها على النار لحد ما تكثفت الماء الموجودة فيها وعبأتها في بطرمانات وحطيت على الوجه شويه زيت نباتي والطريقة دي بتبقى مركزه شويه للصلصات🌸🍅🍅
  3. الكفته حطيت في الكبه الخضره مكونه من حزمه من كلا من بقدونس كزبرة وشبت وحزمه بصل اخضر وبعدين عليهم اللحمه وضربتهم شويه وبعدين كوبين من الأرز المصري وملح وفلفل وبس كدا🌸
  4. الكوسه غسلتها كويس وبعدين قورتها عادي المحشي وعالنار أديتها تشريحه بسيطه مع ملعقه زيت وبس تبرد بحطها في كيس ثلاجة وعالفريزر 🌸🥒
  5. نيجي بقى العصائر الفراولة تغسل وتعبأ فقط🍓بس نضيف عليها السكر حسب الذوق بتبقا النتيجه أفضل سواء كانت العصائر أو المربى أو صوص الفراولة 🌸
  6. أما البرتقال والجزر نسلق الجزر ومعه السكر حسب الرغبه وبعد ما يبرد نضيف عليه البرتقال ويعبأ في اكياس للتفريز🍊🥕
  7. بس كدا وبالعافيه 😍كدا الطبخ اسهل بكتير وتوفير للوقت والمجهود وللعلم الحاجات دي انا عملتها كلها حسب متوفرت عندي يعني الموضوع كان بسيط ومياخدش وقت🌸
عجبتك الوصفة؟
شوف كل وصفاتنا في مكان واحد
كل الوصفات →