→ كل الوصفات
#شغل_كافيهات 🤩 الوصفه المدمره للدايت بجد 😂 لعشاق الشكولاته 🍪
المقادير
- 1/2 كوب زبدة لينه بدرجة حرارة الغرفه
- 2 كوب دقيق منخول
- 2/3 كوب سكر بني ناعم
- بيضه بدرجة حرارة الغرفه
- معلقه صغيره فانيليا سايله
- معلقة صغيره بيكنج صودا
- كوب شوكلت شيبس
- الحشو
- نوتيلا او بديل النوتيلا
طريقة التحضير
- المقادير دي ممكن نعمل بيها كوكيز النوتيلا او تورته عادي فهقولكم طريقه التورته وهنزل الكوكيز في بوست لوحده علشان فيها تفاصيل مختلفه
- اول خطوه بنجيب بوله ونضع الزبده ونضرب بالمضرب الكهربائي لحد ما لونها يفتح ثم ننزل بالسكر (السكر هنحط عليه معلقه كبيره عسل اسود علشان يبقي سكر بني) ونكمل ضرب
- ثم ننزل بالبيضه والفانيليا ونكمل ضرب
- وفي بولة تانيه بننخل الدقيق ونضع عليه البيكنج صودا ونخلطهم بالمعلقه سوا
- ثم ننزل بالدقيق علي الزبده ونخلطهم بايدنا كويس ثم نضع الشوكلت شيبس (اللي عملتها الوصفه اللي قبلها 😉) ونعجنهم والشوكولاته تتجانس مع العجين
- ثم بنجيب صينية بتفتح من الجوانب ونضع نصف كميه من العجينه ونفردها كويس ثم نضع النوتيلا في الوسط بعيد عن الاطراف ثم نفرد النصف الاخر من العجين علشان نحطه علي النوتيلا (علشان مش هينفع نفرده في الصينيه) ونقفل من الجوانب
- ونغطيها بسترتش راب وندخلها التلاجه نصف ساعه (هنا بتكون علشان تحافظ علي شكل العجينه ومش تفرش في الصينيه)
- بنطلعها وندخلها فرن سابق التسخين علي ١٨٠ درجه لحد ما هتبدا تحمر من فوق نطفي عليها وبتكون طريه اول ما تطلع بنسيبها ترتاح وتبرد شويه ونزينها بصوص شكولاته وام ان وكونو وايس كريم وتتاكل دافيه مع الايس كريم الساقع مكس راهيب 🤩🤩 يمي يمي اكتر من روعه بجد😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد