→ كل الوصفات

تورتة روعة وسهلة وتركات جديدة بطريقتي

تورتة روعة وسهلة جداً وتركات جديدة من توما حشوة الجناش تحفة وجديدة شوفوها وادعولي

  • 700 جرام سكر
  • الناس اللي بتقلق من الجرامات الميزان موجود في الاسواق من60 جنيه
  • 750 جرام دقيق (فيه كوبايات معيار مكتوب عليها موجودة في المحلات)
  • النص كيلو 500 جرام والربع250
  • 10 بيض- فانيليا-بيكنج بودرة- رشة ملح
  • 400 مل زيت -100 جرام كاكاو خام
  • 400 مل ماء ساخن
  • ملعقة100 جرام بيكربوناته نحطه على الكاكاو للون وطعم اقوى واحلى
  • كريمة شانتيه او كريمة نباتي(احلى واقيم واغلى بصراحة)
  • شربات& مربى& كمبوت فواكه& مكسرات ذي ما تحبوا
  • 0.25 لتر كريمة طهي&نص كيلو شوكولاتة دارك خام& ملعقتين زبدة
  • من اربع ملاعق لاكتر نوتيلا & وشوية كريم شانتيه
  • شوكولاتة سما ذي النوتيلا بالضبط وارخص كتير
  1. اسخن الفرن الاول (ضروري) ثم اضرب البيض شوية واحط السكر والفانيليا واضرب كويس جداً ابدأ بالسرعة الوسطى ثم اعلى السرعة بالتدريج عشان لازم السكر يذوب كويس (بيفرق في التسوية) لحد ما يبقى القوام كريمي
  2. احط الكاكاو وملعقة البيكربوناته على الدقيق والبيكنج بودرة ورشة الملح (اسمع انها سنة عن الرسول صلي الله عليه وسلم والله اعلم)
  3. نحط الزيت ونضرب ونحط خليط الدقيق والكاكاو ونحط الماء الساخنة(طبعاً مش ساخنة جداً يعني) ونقلب
  4. نكون مجهزين ثلاث قوالب كيك مستطيلة لو مش عندنا ممكن نعمل واحدة واحدة (مش بتأخذ وقت في السوا عشر دقائق) ونعد بالمغرفة كل صينية نفس الكمية ونحطهم في الفرن المسخن كل صينية عشر دقائق واتاكد من سواها بخلة اسنان
  5. التزيين** بعد ما يبردوا اجيب الطبقة الاولى واسقيها بماية الكمبوت او شوية لبن او شربات خفيف عبارة عن ماء بسكر ياخدوا غلوة بس ويبردوا
  6. حطي اللي بتحبيه دهنة مربى شوية مكسرات كمبوت فواكه كريمة شوكولاتة(هقولك عليها كمان شوية) او كريم شانتيه وممكن تحطي كل ده مع بعضه حطى الطبقة الثانية وكرري نفس الخطوة
  7. جناش توما
  8. هنضرب الكريم شانتيه ونسيبه واحط عليه كاكاو خام &هنحط الكريمة اللبانى تسخن كويس على النار ونشيلها ونحط عليها الشوكولاته وملعقتين الزبدة ونسيبها تبرد & نحط النوتيلا ونحط الخليط ده في الفريزر لحد ما نحس انه مسك شوية(مش يجمد) اطلعه واضربه بمضرب البيض هيبقي عامل ذى الكريم شانتيه & احط عليه الكريم شانتيه واضرب & وكده بقى عندي كريمة ملهاش حل للحشو والتزيين
  9. جهزى بقي بسكوت ويفر او اي نوع صوابع تحبيه& شوكولاتة شيبس& وكور شوكولاتة & فارماسيه& شيكوبون& فواكه ذي ما تحبوا& كل ده موجود عند ماركت مستلزمات الحلواني
  10. رصي البسكوت حوالين التورتة واضغطى عليه بالراحة وامسكيه بأي شريط ستان وبعدين حطى بقي الجناش في كيس الحلواني وزينى وقسمي مربعات وحطى في كل مربع اللي نفسك فيه وبالف هنا
  11. (تركاية تانية) اعملى ورقة زبدة كبيرة تحت التورتة وانتى بتذوقيها فرغيها من النص والحروف تبقى تحت اطراف الكيك وحطيها في صينية التقديم وزوقي التورتة عليها اي بهدلة وذيادات هتقع على الورقة وبعدين اسحبي الورق بالراحة من تحت الكيك بعد ما تخلصي هتلاقي الدنيا ذي الفل
  12. ه
عجبتك الوصفة؟
شوف كل وصفاتنا في مكان واحد
كل الوصفات →