→ كل الوصفات
طريقة عمل تورتة شارلوت الفرنسية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كوب دقيق
- 0.5 كوب زيت عباد شمس
- كوب سكر بودرة
- 5 حبات بيض
- رشة ملح
- فانيليا
- م ص بيكنج باودر
- مربى
- للحشو
- 200 جم جبن كيرى
- باكو جيلي فراولة او اى نوع طبعا
- علبة زبادي جهينة او دانون
- م ك جيلاتين
- 0.5 كوب ماء ساخن
- مغلف كريم شانتيه
- قطع فراولة
طريقة التحضير
- نقلب الدقيق مع البيكنج باودر ونضرب السكر مع رشة الملح والبيض لحد مايتقل ولونه يبقى فاتح وبعدين نضيف الزيت والدقيق والفانيليا ونقلب بمعلقة خشب لحد مايختلط كويس جدا الدقيق بالخليط
- نحطها في صينية كبيرة مستطيلة على ورقة زبدة وندخلها الفرن على 190 لمدة تلت ساعة بالظبط مش اكتر
- لما تطلع نلفها على طول وندخلها التلاجة تبرد وبعدين نقسمها نصين بالطول ونحشيها مربى ونلفها تانى حيبقى عندنا 2 سويسرول رفيع ونقطعه حلقات رفيعة
- نحضر خليط الحشو: نخفق الجبنة شوية وبعدين نضيف الكريم شانتيه وندوب الجيلى والجلاتين في الماء السخنة ونضيفها على الخليط ونضيف الزبادي ونكمل خفق ونضيف الفراولة المقطعة ونقلب
- نجيب بولة مقعرة من تحت ونغلفها بكيس نايلون ونرص السويسرول في القاع والجوانب ونصب خليط التشيز كيك ونغطيه بالسويسرول بردو ونقفل الكيس عليهم وندخله التلاجة يمسك
- لما يمسك نفتح الكيس ونقلبها في طبق التقديم ونشيل الكيس بالراحة ونزينها بالفراولة البسيطة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد