→ كل الوصفات
طريقة عمل تورتة شوكولاتة 🍫🎂 بموس وصوص شوكولاتة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- موس الشوكولاتة
- 4 باكت كريم شانتيه
- 250 جم شوكولاتة خام
- ½ كوب لبن دافيء
- 2 ملعقة كبيرة دانيت
- ماء مثلج
- التورتة
- 3.5 ملعقة كبيرة زبد
- 5 بيض
- فانيليا
- 1.5 كوب سكر
- 2 كوب دقيق
- 4 ملعقة صغيرة بيكينج بودر
- 3 ملعقة كبيرة كاكاو
- ½ كوب لبن
- صوص الشوكولاتة
- كوب إلا ثلث لبن مغلي
- 300 جم شوكولاتة خام
- 2 ملعقة كبيرة زبد
طريقة التحضير
- لتحضير الموس حطي قطع الشوكولاتة الخام في لبن دافي و قلبي كويس لحد ما الشوكولاتة تسيح خالص
- حطي الكريم شانتيه مع الدانيت و الماء المثلج و اضربي كويس بعدين حطي الشوكولاتة و اضربي لحد ما تلاقي قوام متماسك.. حطي الموس في الثلاجة
- لتحضير الكيكة اضربي الزبدة كويس و بعدين حطي البيض و الفانيليا و اضربي كويس
- بعد كدة حطي السكر و اضربي الخليط
- حطي الدقيق و الكاكاو و البيكنج بودر و اضربي الخليط
- حطي اللبن بالتدريج لحد ما تلاقي القوام متجانس زي الكيك العادي
- صبي الخليط في صينية مدهونة بالسمن او الزبدة و حطيها في فرن ساخن حوالي 30 دقيقة
- علشان تعملي الصوص حطي الشوكولاتة مع الزبدة مع اللبن المغلي و قلبي كويس
- لما المزيج ينعم خالص سيبيه يبرد
- بعد ما الكيكة تبرد خالص قطعيها لطبقتين
- حطي كمية مناسبة من الموس بين الطبقتين و غطي الكيكة و الجوانب بالباقي
- حطيها تبرد في الثلاجة حوالي نص ساعة
- غطيها بالصوص و رشة كاكاو حلوة
- حطيها في الثلاجة لحد ما تتماسك.. و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد