→ كل الوصفات

تورتة شوكولاته و فانيلا

تورته بمكونات بسيطه و سهله و طعمها تحفه جدااااااا

  • مقادير كيك الشوكولاته انا عملتها بمقادير الجاتو شاتو لانها بتبقي
  • طريه جددددااااااا و طعمها حلو اووووي
  • 1 و نص كوب سكر بودرة
  • 3/4 كوب كاكاو
  • 1 كوب حليب
  • 1 كوب زيت
  • فانيليا
  • 2 بيض
  • 2 م ك خل
  • 1 كوب دقيق
  • كيس بيكنج بودرة دريم
  • مقادير كيك الفانيلا
  • بمكونات اقتصاديه جداً
  • كوب الا ربع سكر
  • ¼ كوب زيت
  • 3 بيض
  • كوب الا ربع حليب
  • فانيلا
  • 2 م ك خل
  • 2 كوب دقيق او اكتر حاجه بسيطه لو احتاجنا
  • م ك نشا
  • كيس بيكنج بودرة دريم
  • الحشو
  • كريمه و فواكه حسب الرغبه و شوكولات كرسبي
  • التوبينج (مكونات الوجه) او التزيين النهائي
  • الوان جل للكريمه استخدمت احمر و اخضر
  • مقادير جناش الشوكولاته البني
  • ¼ كيلو شوكولاته بني
  • كوب الا ربع حليب
  • م ك مليانه قشطه
  • م ص عسل ابيض
  • م ص عسل جلو كوز
  • م ص زيت او زبده
  • مقادير جناش الشوكولاته البيضا
  • ¼ كيلو شوكولاته بيضا
  • ½ ك حليب
  • م ك قشطه
  • م ص عسل ابيض
  • م ص عسل جلوكوز
  • م ص زيت او زبده
  • الكريمه
  • انا استخدمت كريم شانتيه extra foam بيطلع كميه كبيره
  • فانيليا سائله
  • استخدمت كمان مربى حليب طعمها تحفه جددددا
  1. تحضير الجاتو شاتو بالطريقه العاديه نضع السكر البودرة و الحليب و الكاكاو في الخلاط و نخلط ثم ننزل بالزيت خيط رفيع حتى يثقل القوام نأخذ كوب من الخليط نحفظه في الثلاجه و نضيف الى الخليط في الخلاط البيض و الفانيليا و الخل و نخلط
  2. ننخل كوب الدقيق و البيكنج بودرة ثم ننزل بها على الخليط و نقلب بمضرب يدوي
  3. استخدمت قارب كبير مقاس 35 و خبزتها اخدت حوالي نص ساعة على درجه حراره 165 و ممكن اقل على حسب كل فرن لما تستوي افتح الفرن عليها و مش بطلعها مره واحده علشان مش تهبط و اسيبها تبرد خالص و بعد كدا قسمتها نصين يعني كل نص طوله 17 سم بقت نص القارب و اقسم كل نص لطبقتين يعني هاتعمل اربع طبقات رقيقين
  4. كيك الفانيليا استخدمت المضرب الكهربائي اول حاجه حطيت ال3 بيضات مع الفانيليا انا استخدمت 6 اكياس فانيلا علشان زفارة البيض مش تبقي باينه خالص ممكن تستخدمي الكميه ال حباها و اضرب بالمضرب كويس لحد ما يبقى فوم و بعد كدا انزل بالزيت ثم بالسكر شويه بشويه و بعد كدا الحليب و الخل
  5. نخلت الدقيق مع م النشا و البيكنج بودرة ثم ننزل بيهم على الخليط شويه بشويه لحد ما احصل على القوام المظبوط للكيك و خبزتها في نفس القارب بنفس الطريقه اخدت وقت اطول شويه بسبب انها كميتها اكبر من كيك الشوكولاته
  6. اسيبها تبرد و اقسمها بنفس الطريقه نصين كل نص 17 سم و بعد كدا نقسم كل نص بالعرض لطبقتين يعني هاتعمل 4 طبقات بردو
  7. احضر الكريمه لنص الكيك الفانيلا اضربها مع حليب متلج و سكر بودرة لحد ما نوصل للطعم المظبوط و احطلها فانيليا سائله و ملعقة مربى حليب حسب الرغبه بس بتدي طعم تحفه جداً
  8. اخدت ملعقة كبيره من مربى الحليب مع نص كوب حليب او اكتر شويه و دفيتهم في الميكروويف و قلبتهم كويس لحد ما بقوا سائل و سقيت بها طبقات الكيك
  9. في صينية التقديم او الحامل الجاهز من عند محلات مستلزمات الحلويات كيك الشوكولاته هاتبقي نص و الفانيليا النص التاني لزقين في بعض
  10. كيك الفانيليا احط كميه من الكريمه في الارضيه و احط عليها اول طبقة كيك و اسقيها بمربى الحليب المخففه و احط عليها كمية كريمه و افردها و احط عليها الفاكهه انا استخدمت في كل طبقه نوع واحد فاكهه و استخدمت كيوي و موز و فراوله
  11. اكرر الخطوات مع كل طبقه من الكيك لحد اخر طبقه اغلفها بكريمه فقط
  12. الكريمة الشوكولاته عملتها بنفس الطريقه السابقه و ضفت لها صوص شوكولاته من ال احتفظت به من الاول و اضرب كويس بالمضرب
  13. احط كمية كريمة شوكولاته صغيرة و ارص طبقة كيك الشوكولاته و احط عليها الكريمه و شوكولات كرسب بتبقي حلوه اوووي فيها و كمان شويه من صوص الشوكولاته و اكمل الطبقات و حطيت كمان برتقان منضفاه من الغشاء ال بيبقي عليه دا بيعمل ميكس حلو مع الشوكولاته و اكمل الطبقات و اغلف اخر طبقه بكريمة الشوكولاته
  14. احط التورته في الثلاجه فتره 3 او 4ساعات علشان اعرف اخلي السطح بتاعها متساوي و املس بالكريمه اطلع التورته من الثلاجه وازودكريمه لو عاوزه او تكتفي بالكميه ال حطاها و اساوي السطح كله بالسكرابر و احاول ماامزجش كريمة الشوكولاته مع كريمة الفانيليا
  15. استخدمت شريط البلاستك دا من عند محل خامات الحلويات بردو علشان افصل بين جناش الشوكولاته البيضا و البني على الوجه و امسحه بالزيت بالفرشاه علشان مش يلزق في الجناش و اشيله بسهوله
  16. ادخل التورته الثلاجه تاني او اسيبها في الثلاجه ليله
  17. اعمل جناش الشوكولاته البني احط على النار حله صغيرة او كاسرول و احط الحليب لحد ما يسخن و احط عليه القشطه و اطفي النار و انزل بالشوكولاته و سيبها ثواني تكتسب حراره من الحليب و اقلب بملعقه او ويسك (شريط خفاق) و لما تذوب كلها انزل بالعسل و الزيت و الجلوكوز و اسيبها تبرد الاول قبل ما انزلها على التورته
  18. جناش الشوكولاته البيضا بنفس الطريقه و اسيبه يبرد
  19. انزل بجناش الشوكولاتة على التورته بالراحه و ممكن ادخلها الثلاجه يمسك شويه و اطلعها احطلها طبقه تانيه من الجناش بيبقي احسن
  20. جناش الشوكولاته البيضا لو حستيه خفيف ومش مغطي التورته و شفاف كدا شويه نضيفله شوية كريمه و نضرب بالمضرب الكهربائي بيدي نتيجه ممتازه جداً
  21. ملحوظه عند استخدام الوان الجل للكريمه هنلاحظ ان اللون الاحمر بيدي بينك و مش بيرضي يغمق و يدي احمر نسيبه شويه اللون يتفاعل مع الكريمه و بيدي النتيجه الل محتاجنها بالظبط
  22. و بالهنا و الشفا 😍😍😍و اسفه على الاطاله و اتمنى اكون افتدكم 🥰🥰🥰🥰
عجبتك الوصفة؟
شوف كل وصفاتنا في مكان واحد
كل الوصفات →