→ كل الوصفات
طريقة عمل تورتة شيكولاتة بطريقة سهلة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 230 جرام دقيق
- 20 جرام كاكاو خام
- 1 معلقة صغيرة مليانة بيكنج بودر
- 200 جرام سكر
- رشة ملح
- 5 بيضة
- 35 جرام نشا
- 1 معلقة كبيرة خل
- فانيليا
- 1/2 كوب مايه
- 1 معلقة كبيرة محسن جل
- للحشو مكسرات أو شوكلت شيبس
- للكريمة
- 250 غرام كريم شانتى بودرة
- 1،1/2كوب ماء
- فانيليا
- نص كوب سكر
- جناش شيكولاتة
- ربع كوب زيت
- ربع كوب لبن
- ربع كيلو شيكولاتة خام مبشورة
- معلقة كبيرة كاكاو خام
طريقة التحضير
- نضع كل المكونات مع بعض ونخفقهم بالمضرب الكهربائى أو اليدوى لحد ما يتضاعف حجمهم لمدة عشر دقائق (الدقيق والبيكنج بودر والسكر والبيض والفانيليا والملح والماء محسن الجيلوالنشاوالكاكاو)
- نصب الخليط فى صينية مقاس ٢٠مبطنة بورق زبدة أو مدهونة سمن ورشة دقيق
- ندخل الصينية فرن سخن بدرجة حرارة ١٨٠ لمدة نص ساعه ونختبرها بخلة لو نظيفه يبقى استوت ولو بها عجين يبقى نسيبها كمان ٥دقايق
- نترك الكيكة تبردتماما ونجهز الكريم شانتى والجناش
- لتجهيز الكريمه نضرب الكريم شانتى البودرة مع كوب الماء الساقع والسكر والفانيليا جيدا حتى يتقل القوام
- لتجهيز الجناش فى حلة على النار نضع اللبن والزيت حتى يغلوا وارفعها من على النار وأحط الكاكاو والشيكولاتة المبشورة ونقلب جيدا حتى تسيح تماما ويبقى عندنا جناش ممتاز
- نقطع الكيكة إلى ثلاث طبقات ونسقى بين الطبقات بماء به سكر متدوب او صوص شيكولاتة أو شوية لبن عليهم كاكاو محلى
- نضع الطبقة الأولى ونحط عليها شويه من الكريمة وممكن نحط عليهم مكسرات أو شوكليت شيبس ونحط الطبقه التانية ونكرر حتى ننتهي من الطبقات كلها ثم نحط باقى الكريم شانتى على الكيكةونغطيها كلها وندخلها الثلاجة لمده نص ساعة
- ثم نخرجها ونزين بالجناش حسب الرغبة وممكن كمان نعمل خطوط بالكريمه على وش التورتة زى الصورة وبالهنا والشفا
- 10،،،شكرا للمتابعة احلى أخوات
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد