→ كل الوصفات

تورتة عيد الميلاد

طريقة عمل تورتة عيد الميلاد سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوب ونصف لبن
  • كوب ونصف زيت
  • 2 كوب ونصف سكر
  • 4 كوب دقيق
  • 5 بيض
  • ڤانيليا
  • 2 معلقة صغيرة بيكنج بودر
  • ½ معلقة بيكنج صودا
  • رشة ملح
  • للحشو كريم شانتيه بودر
  • لبن ساقع
  • سكر بودرة
  • شربات خفيف
  • للجناش نصف كيلو شيكولاتة خام
  • ¼ كيلو كريمة خفق
  • عجينة سكر
  1. للكيك بضرب البيض مع الفانيلا بالمضرب الكهرباء وبعدين انزل بالسكر واكمل ضرب وافضل اضرب لغاية م يعلي معايا ويبيض وبعدين انزل بالزيت واكمل ضرب وبعدين انزل باللبن واكمل ضرب وف الاثناء دي اكون ناخله الدقيق واقلب فيه المكونات الجافة وانزل عليه بخليط البيض واقلب واحدة واحدة ف اتجاه واحد واكون محضرة قالب مقاس 24 او حلة بنفس المقاس وادخلها الفرن المتسخن ع درجة حرارة 180 بتقعد حوالي ساعة الا ربع وبختبرها بخله ولو جاهزة بطفي الفرن واسيبه مفتوح وهي جوة لغاية م تهدا خالص ويفضل انها تتساب لتاني يوم
  2. بعد اما الكيكة تبرد خالص بقطعها ديسكات واحضر الحشو هنجيب كوباية كريم شانتيه خام هحط معاه سكر بودرة حسب الرغبة وانزل بنص كوباية لبن ساقع متلج واضرب بالمضرب الكهرباء وادهن كل طبقة بشربات خفيف و انزل بالكريم شانتيه واحاول اظبط الارتفاع واغلف الكيك من بره بالكريم شانتيه واظبطه كويس
  3. للجناش بجيب الكريمه واسخنها ع البوتوجاز وبعدين احط الشيكولاتة وارفعها من ع النار واسيبها تدوب ف الكريمة وكده الجناش جاهز هحط الكيكة بتاعتي ع شبكة تحتها صينية وانزل بالجناش ع الكيك لغاية م يغطيلي الكيك بالكامل وبعد كده زينتها بعجينة السكر وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →