→ كل الوصفات

تورتة نصين 👩‍🍳(شوكولاته x ابيض)

بشكل مختلف وتزين جديد 🤩🍰🍰

  • مقادير كيك الاسبونج
  • 1/4 كيلو دقيق اسبونج ابيض
  • 1/4 كيلو دقيق اسبونج بني
  • 6 بيض بدرجة حرارة الغرفه
  • معلقه صغيره فانيليا
  • معلقه صغيره خل
  • معلقه صغيره محسن جيل
  • 1/2 كوب معياري ماء
  • مقادير الكريمه
  • 1 ونص كوب كريم شانتيه خام
  • كوب ونص ماء مثلج
  • معلقه ونص باستري كريم
  • 1/4 كوب ومعلقتين سكر عادي
  • للحشو
  • كريز (كرز مسكر)مقطع
  • مربى فرواله
  • صوص فرواله
  • فروته الوان
  • بندق
  • صوص شوكولاته
  • للتزيين
  • جناش شوكولاته
  • مربى حليب
  1. اول حاجه بنعمل الاسبونش الابيض بنجيب ربع كيلو اسبونش ابيض + ٣بيض+ربع كوب ماء + نص ملعقة صغيرة خل + نص ملعقة صغيرة فانيليا سائلة ونضربهم بالمضرب الكهربائي لحد ما يبقى الخليط كريمي ولونه فاتح ونجيب صينيه مقاس ٢٤ ونحط فيه ورقه زبده ومن الجوانب ندهنها زبده وندخلها فرن سابق التسخين على ١٨٠ لمده نص ساعة ونغطيها بفوطه لحد ما تبرد علشان متنسفش وبعدها بغلفها بسترتش وكيس بلاستيك عادي بابيتها يوم في الفريز وتاني يوم بنقطعها نصين بالسكينه
  2. ونعمل الاسبونش البني بنفس الطريقه والمقادير بنجيب ربع كيلو اسبونش ابيض + ٣بيض+ربع كوب ماء + نص ملعقة صغيرة خل + نص ملعقة صغيرة فانيليا سائلة ونضربهم بالمضرب الكهربائي لحد ما يبقى الخليط كريمي ولونه فاتح ونجيب صينيه مقاس ٢٤ ونحط فيه ورقه زبده ومن الجوانب ندهنها زبده وندخلها فرن سابق التسخين على ١٨٠ لمده نص ساعة ونغطيها بفوطه لحد ما تبرد علشان متنشفش وبغلفها بسترتش وكيس بلاستيك عادي وبابيتها يوم في الفريز وتاني بنقطعها نصين بالسكينه
  3. بنعمل بعدها الكريم شانتيه بنحط السكر + الماء المثلج ونضرب بالمضرب الكهربائي لحد ما يذوب السكر كويس وبعدها ننزل بالكريم شانتيه والباستري كريم ونضرب ١٠ دقائق لحد ما يتضاعف الحجم ونحطه في الثلاجه ونقسم الكميه نحط على النص التاني ملعقة نوتيلا ومعلقه كاكاو باودر خام
  4. ونبدا نحضر التورته بنجيب قعده التورته ونحط ملعقة كريم شانتيه في نص القعده علشان تمسك في التورته بنحط اول طبقه من الكيك البني ونسقي الكيك سفن اب بعدها نحط طبقه من الكريم شانتيه البني ثم نضع بندق مجروش ثم صوص شوكولاته ونحط الطبقه التانيه وهكذا لحد ما نخلص طبقات الشوكولاته
  5. ونحط الجنب التاني من الكيك الابيض اول طبقه ونسقيها بسفن اب (بلاش ماء كمبوت علشان بتحمض الكيك) وبعدها نحط طبقه من الكريم شانتيه الابيض ثم نضع الفروته المسكره والكريز المقطع وصوص الفراوله وطبقه مربى فرواله وهكذا لحد ما نخلص كل الطبقات
  6. بنجلس الجزء الابيض بكريم شانتيه ابيض والجزء البني بكريم شانتيه بني وبندخلها الثلاجه او الفريزر تجمد شويه بعدها نبدأ نزين الجزء الابيض الاول (علشان هاخد وقت وممكن لو بدانا بجزء الشوكولاته الجناش يسيح) بنحط في الجوانب سوداني مجروش مع جوز هند بني ونحط ونعمل ساور كريم شانتيه روزتات ونضع صوص مربى الحليب (معلقتين مربى حليب مخففهم بمعلقتين مياه عاديه) وحطيته كونو وعليهم صوص فرواله نحفظها في الثلاجه تاني
  7. ثم نخرجها وننزل بجناش الشوكولاته ونكون حطين صينيه تحت الكيك علشان لما يقع جناش ونكون حطين التورته على شبكه علشان تصفي برحتها وبستخدم بردو القرص الدوار علشان تساعدني انها تلف بسهوله وندخلها الفريز ثم نعمل روزتات من مربى الحليب وعملت ورق ترنسفير على شكل شوكولاته نوتيلا وحطيت في نص التورته كاندي على شكل توت احمر واسود
  8. ومن الجوانب حطيت بسكوت اوريو عامله بالداست الذهبي وكده التورته تكون خلصت ونحطها في الثلاجه او الفريزر لحد وقت التقديم وبالف هنا 👌
عجبتك الوصفة؟
شوف كل وصفاتنا في مكان واحد
كل الوصفات →