→ كل الوصفات
اجتنع عيد زواجي مع عيد ميلاد اولادي الاتنين كلهم ف فبراير وطبعا لاسعار التور الغاليه فقررت من زمان اني انا اللي اعملها بايدى وبتكون فرحه للاولاد انهم يشاركو ف التزيين وزوجي كمان بيعتبرها من طقوس احتفالنا وكل سنه وكلنا طيبين
المقادير
- 500 جرام دقيق
- 250 جرام سكر
- 6 بيضات
- كوب لبن
- كوب زبده او زيت
- باكو بيكنج باودر وفانيليا
- معلقتين كاكاو خام
- مربي للصق الطبقتين
- صوص الشيكولاته
- 250 جرام شيكولاته خام
- قطعه زبده
- وردات من بسكوت وبونبون للتزيين من محل لوازم الحلويات
طريقة التحضير
- نشغل الفرن عشان يدفي ع١٨٠ نضرب البيض والسكرجيدا ونضيف اللبن والزبده والفانيلياو الكاكاو
- وف وعاء اخر الدقيق مع البيكنج باودر نخلطهم سوا ونضيفهم حبه حبه علي الخليط الاول السايل ونضرب بالمضرب جيدا
- ف صينيه وسط ندهن زبده او زيت ونصب الخليط
- ندخل الصينيه ف المنتصف ونتركها ٤٥ دقيقه
- ف حمام ماي عالنار ندوب الشيكولاته الخام ونكون مقطعينها عشان تدوب بسرعه وولما تدوب اضيف قطعه زبده او معلقه زيت عشان التلميع
- عند نضج الكيكه بعد المده المحدده بنختبر الكيك بوضع خله خشب او سكين بغرسها بالكيك اذا طلعت خاليه تكون تمام اذا فيها حاجه دخليها ١٠ دقايق كمان
- اقلبها ع منخل سلك واتركها تبرد واضعها ساعه بالثلاجه عشان تمسك نفسها
- اطلعها واقسمها من النصف واحضر المربي اي نوع واخففها بشويه مايه وادهن النصفين من الداخل اي ناحيه ماقسمنا وارجع الصقهم ببعض
- واصب عليها صوص الشيكولاته وازين بقي بالبونبون والوردات زى ما تحبوا وممكن برضه الشيكولاته البيضا تدوبيها وتزيني بيها وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد