→ كل الوصفات
طريقة عمل تورته فراوله 🍓🍰 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/4 كيلو دقيق اسبونج فانيلا
- 3 بيضات
- معلقة فانيلا
- مربى فراوله
- 1/4 كوباية ماء
- 1/4 كريمة لباني للحلويات جهينة او مراعي
- كيس دريم الكريم شانتيه
- 90 شوكولاته بيضا
- 30 جرام كريمه لباني
- لون طعام احمر
- 125 زبده صفرا ف درجة حرارة الغرفه
- 180 جرام سكر بودرة ناعم جدا
- فراوله طازجة
- معلقتين كبار سكر بودرة
- اي عصير خفيف او ماء بسكر عشان نسقي الكيك
- شوكولاته بيضا للتزيين
طريقة التحضير
- هنجيب صينية كيك ٢٠ سم لو اكبر هنضاعف كل المكونات تمام و ندهنها زيت ونحط فيها من تحت ورقه زبده
- هنجيب بوله و نحط فيها ٣ بيضات و عليهم الفانيلا و نضربهم ب مضرب الكهربا و بعدين ننزل ب الدقيق و الماء و نفضل نضرب لمده ٦ دقائق كده هنلاقي الخليط افتح و اضاعف معانا
- ننزل بخليط الكيك في الصينيه مدهونه زيت و محطوط ورقه زبده ف اخرها و ندخله فرن يكون متسخن قبلها و نحطه على درجه حراره ١٨٠ لمدة ٤٥ دقيقه ممكن بعد ٣٠ دقيقه نبص بصه كده لان كل فرن مختلف اهم حاجه نحط الخله في الكيك لو طلعت فاضييه تبقى استوت طلعت في عجين يبقى لسه
- و الكيك في الفرن نجيب الكريمه اللباني نحطط عليها الكريم شانتيه بتاع دريم و نضرب حبه و وبعدين ننزل بمعلقتين السكر البودرة و نضرب لحد ما يتماسك يعني لو جيتي تقلبي البوله ميقعش منها تمام
- هنطلع الكيك و نسيبه يبرد و نحطه في الفريزر شويه لو مستعجلين لو عادي حطيه في الثلاجه لحد ما يسقع و بعدي نطلعه نقطعه ل ٣ طبقات متساويين و كل طبقه فيها كريمه و عليها مربى فراوله و ممكن قطع فراوله
- و بعدين نعمل الكريمه اللي هنغلف بيها التورته هنضرب ١٢٥ جرام زبده لمده ٥ دقايق كده هنلاقيها افتحت و زادت نروح منزلين عليها ال ١٨٠ جرام سكر بودرة و نضربهم كويس جدا و نحط اللون الاحمر و معلقه فانليها و بعد ما نضربه كويسه هنغلف بيه الكيك و نحطه ف التلاجه
- هنجيب ال ٩٠ جرام شوكولاته بيضا عليهم ٣٠ جرام كريمه لباني ونسخن في الميكرويف او نسخن الكريمه اللباني على النار و بعدين نحط الشوكولاته تسيح خالص و نستنى شويه يبرد و بعد كده ناخده ننزل من على الاطراف بشكل عشواى زي الصورة و نرص الفراوله كده و نزينها زي ما نحب شوكولاته بيضا او اي حاجه نحبها و بالف هنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد