→ كل الوصفات

تورلي الخضار بالفراخ المحشية 👌

طريقة عمل تورلي الخضار بالفراخ المحشية 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كيلو فرخة بلدي وزن
  • الحشو :كوب رز
  • بصلة كبيرة متقطعه
  • معلقه صغيره فلفل اسود
  • معلقه صغيره ملح
  • كوب الا ربع ميه
  • معلقه كبيره سمن
  • للسلق :مية سخنه حسب الاحتياج
  • ملح حسب التذوق
  • بصلة كبيرة
  • 4 ورقات ورق لوري
  • التورلي (خضار مشكل بطاطس وكوسه وبصله كبيره َوجزر)
  • معلقه صغيره فلفل اسود
  • معلقه صغيره كاري
  • معلقه صغيره ملح
  • كوبيتين ونص شوربه
  • معلقه صغيره سمن
  1. الأول هنغسل الفرخة كويس اوي ونخليها تتصفي حلو جدا
  2. هنحضر الحشو في طاسه ع النار هنضيف السمن مع البصل يذبل وبعدين نغسل الأرز ونصفيه وننزل بيه على البصل ونضيف الملح والفلفل الأسود ونضيف الميه ونقلبهم مع بعض ونهدي النار خالص ونغطيهم ونخلي الأرز يتشرب الميه بس هيبقي نص تسويه
  3. هنحشي الفرخة ونكون محضرين حلة كبيره تكفى الفرخة هنضيف فيها البصله وورق اللوري والملح وننزل بالفرخة مع كميه ميه مناسبه لسلق الفرخة ونغطيها ونهدي النار خالص ونخليها تستوي براحتها ع نار هاديه
  4. هنحضر الخضار ممكن زي الي استخدمته او حسب المتاح او المفضل ليكم هنقلب الملح والكاري والفلفل الأسود مع الخضار كويس
  5. هنرص الخضار في الطاجن ونووسع فالنص للفرخة وبعد ماتستوي هنحطها وسط الخضار ونضيف من الشوربه كوبيتين ونص ع الخضار
  6. هندهن الفرخة بالسمن بسيط عالوش وندخلها الفرن نار هاديه خالص عشان الخضار يستوي كويس اوي والفرخة تتحمر براحتها
  7. بعد تسويه الخضار وتحمير الفراخ تتقدم مع الأرز وسلطه وبالهنا 💪👍
عجبتك الوصفة؟
شوف كل وصفاتنا في مكان واحد
كل الوصفات →