→ كل الوصفات
تيراميسو بلمسة شرقية
المقادير
- كوباية قهوة محوجة سخنة (اي شكل من اشكال التحويج يبقى فيه حبهان)
- 4-5 باكيتات بسكوت شاي سادة (يفضل يكون تخين شوية)
- 1/2 كيلو بلح عجوة او رطب
- 1/4 كيلو جبنة كريمي
- 1-2 بيضة
- 2 ظرف فانيليا او ما يعادلها سواء سائل او قرون فانيليا
- 2 م ص كاكاو محلى
- عصرة ليمون
- 1/2 كوب لبن (احتياطي)
- 1/2-1 كوب سكر
طريقة التحضير
- اول حاجة نعمل كوباية القهوة بالطريقة العادية واول ما تجهز نصبها في طبق و ننقع فيها البلح و نغطيها و نسيبها
- بعد كدا نفصل بياض البيض عن الصفار و نحط كل واحد في طبق و نضيف له نص كمية السكر بالتساوي في الطبقين
- نبدا بخفق كل واحد فيهم لحد ما يدوب السكر في البياض بنخفق البيض لحد ما يبقى فوم
- نضيف الجبنة على الصفار و نضيف معاها الفانيليا و عصرة الليمون
- بعد كدا نضيف فوم بياض البيض للصفار و الجبنة و نقلبهم سوا لحد ما يبقو خليط واحد
- في حال اذا كان الخليط متماسك جدا و سماكته عالية في بنضيف شوية لبن لحد ما يبقى قوامه قوامه اخف
- بعد كدا نجيب صينية يفضل تكون مستطيلة و نبدا بقى نحط فيها طبقة خفيفة من خليط الجبنة و البيض الاول
- بعد كدا نحط فوقها طبقة من البسكوت اللي نكون يدوب بلينه في القهوة
- بعدها نقوم نقوم حاطين طبقة من البلح اللي كنا ناقعينه في القهوة
- نكرر العملية دي مرتين كمان او حسب الكمية و حجم الصينية المستخدمة بحيث تكون الطبقة اللي على الوش من خليط الجبنة
- اخر حاجة نرش شوية كاكاو بودرة على الوش عشان يدخل طعم الشوكولاتة
- ممكن تدخل التلاجة و تبرد و ممكن تتاكل في ساعتها الاتنين شغالين
- تقدم مع فنجان قهوة او كوباية لبن او كاكاو
- نسخ الرابط تمّ نسخ الرابط
- البريد الإلكتروني
- بينترست
- اقرأ المزيد
- اطبع الوصفة اطبع الوصفة
- انسخ النصّ انسخ النصّ
- أبلغ عن الوصفة
- شاهد أخبار وصفتك
- احذف
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد