→ كل الوصفات
هذه الأكلة من منطقة القبائل وتختلف من دشرة لأخرى وأنا جبتلكم طريقة امى الله يرحمها ابنة جبال جرجرة
المقادير
- قطعة لحم أو دجاج
- بصلة صغيرة مفرومة
- 0.5 راس ثوم مفروم
- حبة طماطم مرحية
- حفنة من العدس مشلل
- 0.5 ربطة حشيش أو دبشة (كزبرة)
- شوية أوراق نعناع اخضر فريش
- 0.5 حبة فلفل حلو أو حار اختياري
- 3 ملاعق زيت للمرق
- حوالي نصف كاس زيت للخليط
- ملعقة اكل ملح
- ملعقة اكل بابريكا
- ملعقة اكل راس الحانوت
- ملعقة صغيرة هريسة
- ملعقة اكل طماطم مصبرة للمرق
- 0.5 ملعقة اكل طماطم مصبرة للخليط
- حبة كوسة
- حبة جزر
- فاصوليا خضراء
- 2 كيسان سميد او دقيق متوسط
طريقة التحضير
- أولا نحط الزيت في طنجرة واللحم ونصف البصلة ونصف الطماطم ونصف الثوم ونصف التوابل والهريسة والطماطم المصبرة والعدس ونقليوها مليح ثم نمرقوها بماء ساخن ونغلق عليها حتى يدخلو اللحم طياب نرميو الخضر
- ثم نوجدو الخليط نضع الدقيق وكل ما تبقي من بصل طماطم ثوم وتوابل ونقطعو الحشيش والنعناع ونضع النصف كاس زيت والطماطم المصبرة ونصف الفلفلة مرحية ونخلط كل شيء بعدها نأخذ شوية مرق ونطمو العجين بدون عجن نطموه بأصابع اليد
- ثم نعملوهم كويرات توجد قريات يعملونه شكل بيضوي وأنا تعملو شكل كويرات وترميهم في المرقة يطيبو ثم كيطيبو ننزعهم ونقدموهم مع اللحم والخضار والمرق
- كاين مناطق مايديروش العدس وهي نفس الطريقة ونحترم جميع الطرق وتبقي الأكلة تقليدية ومن أطباق جدودنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد