→ كل الوصفات

جاتوه الميل فاي

انا جربت الوصفة وكانت حلوة اوي وطعمه حلو اوي هو نفش شويه مني بس كتجربه اولى انا مبسوطة المهم ان طعمه حلو وزي بتاع المحلات بالظبط يارب تعجبكم #تجربتي_الاولى #المهم_الطعم #الشيف_الذهبي #صدقة_جارية #حلويات

  • 1/2 كيلو زبدة
  • 125 جرام دقيق
  • 1/2 ك دقيق
  • 125 جرام زبدة
  • 5 جرام ملح
  • 300 مل ماء بارد
  • كريم باتسيير او كريم شانتيه حسب الرغبة (للحشو)
  • 1 :2 كوب صوص كراميل او مربى او شوكولاته
  1. اولا اللي عايز يعمل عجينه الميل فاي بدل مانجيبها جاهزة (البف باستري) لو عندك العجانة يبقى احسن بس لو معندكيش هاتي بولة حطي فيها نص كيلو زبدة وهتحطي عليها 125 جرام الدقيق واخلطيهم كويس اووووي وبعد كده هتمسكي العجينة الزبدة اللي طلعت دي ولفيها برول استرتش او كيس بس لفيها كويس وحطيها لمدة ساعة بالظبط في تلاجة علشان ترتاح
  2. وتجيبي بولة كده تانية حطي فيها هتحطي فيها نص كيلو دقيق و 125 جرام زبدة و 5 جرام ملح وهتحطي بالتدريج 200 ل 300 ماء بارد وانتي بتعجني اول لما تتعجن وتمسك نفسها كويس
  3. هتحطي على رخام شوية دقيق وتحطي العجينة وافرديها كويس تطلعي عجينه تانية من تلاجة اللي قعدت ساعة دي وتحطيها عليها في نص كده واقفلي عليها بالعجينه يعني طبقي من العجينه عليها من ناحيتين زي جواب كده وحطيها ترتاح في تلاجة نص ساعة
  4. بعدين طلعيها وافرديها بالنشابة العجين وبعدين طبقيها تاني من جانبين وحطيها في تلاجة نص ساعة وتعدي خطوه دي 5 مرات
  5. بعدين تجيبي صينية هتحطي ورق زبده وتفردي العجينه كويس اوي وتقطعيها على شكل مستطيلات شكل جاتوه وترصيها على ورق الزبده وتخرمي العجينه بشوكه كده
  6. وبعدين هتحطي فوقيها ورق زبده من فوقها وهتحطي صينية عليها وتضغطي عليها علشان ماتتنفخش انا اتنفخت مني لان مكنش عندي صينية صغيرة شوية تقدر تضغط على عجينه اللي في صينيه صواني عندي اد بعض في مكنتش عارفه اضغط بيها
  7. وحطيها في الفرن على درجة حرارة 180 هو المفروض 35 دقيقه بس على حسب فرنك اظبطي ولو محمرتش من فوق واحمرت من تحت يبقى ساعتها اطفي من تحت وولعي من فوق علشان تحمر
  8. وبعدين لما تطلع زينيها باللي بتحبيه هتحطي فوق ميل فاي الحشوة مثلا كريم باتسير او كريم شانتيه وبعدين ترصي الميل فاي ومن فوق صوص الكراميل او شوكولاته او مربى براحتك وممكن تحطي فاكهة وبالهنا ❤️
عجبتك الوصفة؟
شوف كل وصفاتنا في مكان واحد
كل الوصفات →