→ كل الوصفات
جاتوه شاتوه لذيذ😋 وبتعمليه في الخلاط الكهربائي وطعمه حلو جداً👌🏻 لو نفسك في كيكة شوكولاتة سهلة ولذيذة جربي جاتوه شاتوه الشوكولاتة بالصوص الأقتصادي هتعجبك جداً 😍❤️ #مريولي_باسمي
المقادير
- 1 كوب دقيق
- 1 كوب حليب
- 1 كوب سكر
- 1 كوب زيت
- 3 ملاعق كبيرة كاكاو خام
- 2 بيضة
- 1 ملعقة كبيرة بيكنج بودر
- 1 كيس فانيليا
طريقة التحضير
- أولاً جيبي الخلاط الكهربائي وحوطي فية الزيت والسكر والحليب والكاكاو الخام وأختاري نوع كاكاو خام كويس لأنه هيفرق في طعم الكيك وبعد كدة اخلطي كل المكونات مع بعض كويس جداً لحد لما يتقل القوام حبة😍
- جيبى كوب وحوطي فيه نصف الصوص إللي في الخلاط عشان دا هيكون صوص الشوكولاتة اللي هنضعه على الكيك ودخلي الكوب الثلاجة لحد لما تخلصي الكيك😍
- باقي الصوص في الخلاط حوطي عليه البيض والفانيليا وأخلطيهم مع بعض كويس جداً 😍
- جيبى طبق عميق وحوطي فية الدقيق والبيكنج بودر وضيفي علية الخليط السائل الموجود في الخلاط وقلبي كل المكونات مع بعض كويس جداً لحد لما تختفي كل حبيبات الدقيق😍
- جيبى صينية مقاس وسط وادهني الصينية بالزيت وحوطي فيها خليط الكيك ودخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وسيبيها تبرد 😍
- قطعي الكيك مربعات وبعد كدة جيبي صوص الشوكولاتة وحوطي الصوص على الكيكة كلها وسيبيها 10 دقايق وبعد كدة قدميها في أطباق التقديم وزينيها بالمكسرات أو جوز الهند أو أي تزيين بتحبية انا زينتها بعين الجمل المفروم بجد الكيكة حلوة جداً وهشة جربيها أكيد هتعجبك 👌🏻😍🌹
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد