→ كل الوصفات

جاتوه شاتوه

#حلويات_سريعة

  • 1 كوب دقيق
  • 1 كوب حليب
  • 1 كوب زيت
  • 1 كوب سكر
  • 3 معالق كبار كاكاو خام ويكون نوع كويس
  • 2 بيضة
  • 1/4 معلقة صغيرة فانيليا (كيس)
  • رشة ملح
  • 1 معلقة صغيرة خل
  • 1 معلقة كبيرة بيكينج بودر
  1. في الخلاط بتضيفي الحليب والسكر والكاكاو وتضربيهم كويس لحد ما السكر يدوب خالص
  2. بعد كدا بتبدأي تضيفي الزيت بالتدريج على شكل خيط رفيع لحد ما القوام يبقا تقيل وبكدا نكون جهزنا أحلى صوص شيكولاتة
  3. بتاخدي مقدار كوباية من الصوص دا وتسيبيها ف التلاجة
  4. باقي المقدار بتضيفي عليه البيض والفانيليا ورشة الملح ومعلقة الخل وتضربيهم كويس ف الخلاط
  5. في بولة عميقة هتنخلي الدقيق والبيكينج بودر وتنزلي بالخليط بالتدريج وتقلبي في اتجاه واحد لحد ما الخليط يتماسك والقوام يبقا حلو
  6. في صنية مدهونة مسحة زيت ومرشوشة بالكاكاو او فيها ورقة زبدة تنزلي بالخليط وتدخليها فرن مسبق التسخين رف أوسط على درجة حرارة 180
  7. بتاخد من 20 لـ 25 دقيقة تاخدي بالك منها عشان متتحرقش
  8. بعد كدا بنخرجها م الفرن ونسيبها تبرد وبعدين نطلع صوص الشيكولاتة من التلاجة ونزين الصنية بيه وبس كدا 😋
  9. ملحوظة.. ممكن تزودي كمية الكاكاو براحتك وومكن تزيني وش الجاتوه ببشر شيكولاتة او مكسرات على ذوقك ، معلقة الخل بتضيع زفارة البيض
عجبتك الوصفة؟
شوف كل وصفاتنا في مكان واحد
كل الوصفات →