→ كل الوصفات
بطريقه احترافيه👌محدش هيصدق انك عامله في البيت 🤩🤩 وكل الكميه دي بربع كيلو دقيق اسبونج بس 😉😉😉😉
المقادير
- 1/4 كيلو دقيق اسبونج بني
- 3 بيض كبير بدرجة حرارة الغرفه
- 1/4 كوب ماء
- معلقه صغيره فانيليا سايله
- معلقه صغيره محسن جيل
- معلقه صغيره خل
- للكريم شانتيه والموس ::
- كوب موس شكولاته بودر
- 1/2 كوب كريم شانتيه خام بودر
- كوب ونص ماء مثلج
- 1 معلقه كبيره باستري كريم
- 1 معلقه كبيره لبن بودر نيدو
- 2 معلقه كبيره سكر عادي
- معلقه صغيره فانيليا سايله
- 2 معلقه كبيره نوتيلا
- للوجه والتزين ::
- جناش او مروار شكولاته
- مكسرات
- مربي حليب
- خطوط من الشكولاته البيضه
- كريز
- ملتزير بني ودهبي
طريقة التحضير
- اول حاجه بنحضر كيك الاسبونج بنحط جميع المكونات ونضرب بالمضرب الكهربائي لمده ١٠ دقائق متواصل (علشان لو بطلنا ضرب هيهبط الكيك في الفرن) لحد ما يتضاعف الحجم ويفتح لونه وبنجيب صاج مقاسه ٣٠ في ٤٠ وبنحط ورقه زبده مقاسه وبنزل بخليط الاسبونج ونوزعه كويس ونساويه ونخبط الصاج خبطتين قم ندخله فرن سابق التسخين على ١٨٠ لمده ١٢ دقيقه ونختبره بالخله (الطريقه مفصله في وصفاتي)
- ونطلعه نقلب ونشيل ورقه الزبده ونحط ورقه زبده على وجه الكيك علشان تشيل كل الوجه الملزق ونغطي الكيك بفوطه لحد ما تهدي وتبرد والافضل نتركها لتاني يوم
- تاني يوم بنجيب الكيك ونجيب مسطره مخصصها للكيك (اهم حاجه في الجاتو المقاسات مظبوطه ومقاس واحد)ونقيس بالطول ونعلم بالخله هنخلي كل طبقه مقاس ١٠ سم وبم ان العرض ٣٠ هنقسم على ٣ طبقات ونقطع بالسكينه الصغيره
- وبنحضر الكريم شانتيه بندوب السكر والمياه المثلج لحد ما يذوب السكر ثم نضع باقي المكونات ونضرب بالمضرب الكهربائي لمده ١٠ دقائق متواصله ونجيب كيس حلواني ونضعه فيه (الطريقه مفصله في وصفاتي)
- ونجيب بورد ونحط اول طبقه من الكيك (ومش بنسقي كيك الجاتو) ونحط الكريم شانتيه بكيس حلواني (افضل طريقه علشان الطبقه تكون متساويه) ونكرر نفس الخطوات في ٣ طبقات والطبقه الاخيره من الكيك نقلب وجهها المتساوي فوق كالعاده
- ونساوي الطبقه الاخيره من الكريم شانتيه بالسكربر ونبل الاسكرير بمياه ساخنه علشان يديني سطح متساوي وندخلها الفريزر ٣ ساعات
- بنطلعها ونضع علي الوش كميه كويسه من الجناش او المروار الشكولاته وندخلها تاني الفريزر مش اقل من ٦ ساعات علشان نعرف نقطعها مظبوط
- بنحضر الحاجات اللي هنزين بيها وبنحضر مياه مغليه في إناء وبنجيب سكينه الترنش المشرشره ونحطها في الماء وبنخرج الكيك ونقطع الحروف ونساويها من كل الجوانب وفي كل مره بحط فيها السكينه في الماء وامسحها بمنديل
- هنقيس قطعه الجاتو لو عاوزنها العاديه بيكون مقاسها ٤ سم العرض و الطول بين ٩ او ١٠ مش اكتر ولو هنقطعها مثلثات هنقطع العرض من ٧ او ٨ سم مش اكتر ونقسمهم على اتنين زي الصوره وفي التقطيع بننزل بالسكينه مره واحده مش بنروح ونيجي (انا قطعتهم اقل علشان الاولاد)
- ونضع تحت كل قطعه ورق كب كيك ونزين الوجه بالطريقه اللي تحبيها وبواقي الكيك هنعمل منها ترافيل بنجيب علبه الترافيل ونضع طبقه من الكريم شانتيه وطبقه من بواقي الكيك وطبقه نوتيلا او صوص كراميل وكمبوت اناناس قطع والوش كريم شانتيه ونزينه بصوص شوكولاته ونحفظ الجاتو في علبه والف هنا وبجد خفيف وهش 👌👌👌😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد