→ كل الوصفات
طريقة عمل جاتو او تورته عيد ميلاد ب2 بيضه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- نفس مقادير الكيك دي بس الفرق ف النقطتين الجايين
- .1 كيس فانيليا بدل الاتنين
- .كوبايتين الدقيق نشيل منهم معلقه ك ونحطها كاكاو
- 4 اكياس كريم شانتيه 2م ك كريم باسترى
- لبن"حليب"
- م ص كاكاو وقالب شكولاته كرونا"رشه قهوه سريعه الذوبان اختياري"
- سوداني مجروش وشوكلت شيبس
- اوريو كابرى
طريقة التحضير
- بعد منعمل الكيك منحاولش نخرجها غير لما تبرد تماما عشان متتكسرش او تبوظ وبعدين نقطع الحواف كلها "منرمهاش هنعمل بيهم حاجه"
- ونقطع الكيك من الجنب كانه سندوتش بالخيط او السكينه ولو حسيتوا ممكن تبوظ اقطعوها نصين من النص، كنت عامله 2 "فانيليا وشكولاته" بعد مقسمنا الفانيليا نضرب كيسين كريم شانتيه مع 2م ك كريم باسترى بلبن حطيت اكتر من فنجان وبضرب لحد متتقل خالص لو قلبنا البوله متقعش نحشي نص فانيليا ب طبقه محترمه من الكريمه وعليها سوداني مجروش ونحط نص الكيك التاني فوقها وعليه بقيت الكريمه
- وكيك الشكولاته بعد مقسمته ب الخيط نضرب كيسين الكريم شانتيه وعليهم م ص كاكاو ونسيح 4مربعات شكولاته كرونا بشويه لبن صغيرين اوي ونحط اللبن الساقع علي الشانتيه وننزل ب الشكولاته الدايبه مع رشه قهوه سريعه الذوبان ونضربهم نحشي الكيك بيها ومن فوق نحط الباقي منها ونسيح باقي شكولاته كرونا بلبن ونغطي بيه وش كيك الشكولاته ، وعند الكريمه نحط صوص شكولاته ونمشي بعود شيش رايح جاي عشان تعمل خطوط زي الصور
- فتحت 2بسكوته اوريو خدت الكريمه قطعتها علي جزء الكريمه. وممكن نفرفرت بسكوتايه تحت صوص الشكولاته هتعمل تيست حلو بردو، بشرت شكولاته علي الوش وحطيت شكولاته شيبس والاوريو والكابرى وسوداني مجروش وبالف هنا تتقطع عل 12قطعه وبقت جاتو او تتعمل في اي قالب مفضل ليكم وتتنقل في طبق تقديم قبل التزين وبقت احلي تورته وبالف هنا 🩵بجد جربوها مش هتندموا😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد