→ كل الوصفات

جلاش بالبسطرمة وميكس الجبن 😋💓

وجبة خفيفه وتقدم كمقبلات.. جلاش محشي بالبسطرمة وميكس الجبن و الزيتون وفلفل الوان طعمه بجد حلو أوي هيعجبك جداً 👌😍💓

  • 1 علبة من الجلاش
  • كمية من البسطرمة
  • كمية من ميكس جبن (رومي_موتزاريلا_شيدر)
  • كمية من الفلفل الألوان
  • كمية من الزيتون(أخضر_أسود)
  • 1 كوب لبن
  • كمية من الذبدة لدهان الجلاش
  1. أولاً نحضر صينية وندهنها بالذبدة وبعد كدة جيبي لفة الجلاش وخودي واحدة منها وحوطيها في الصينية وبعد كدة إدهنيها بالذبدة وبعد كدة خودي واحدة تانية من الجلاش وأدهنيها بالذبدة لحد لما تاخدي نصف كمية الجلاش😍
  2. جيبي بئا البسطرمة وميكس الجبن والزيتون والفلفل الألوان وحوطيهم على الجلاش وبعد كدة نصف كمية الجلاش الباقية هعملها زي الكمية الأولى يعني نجيب واحدة من الجلاش ونضعها على الحشوة وندهنها ذبدة وبعدة نجيب واحدة تانية وهكذا لحد لما نخلص كل الكمية😍
  3. جيبي بعد كدة كوب اللبن وحوطيه على الجلاش ولما الجلاش يتشرب اللبن قطعية بالسكينة وبعد كدة دخلي الصينيه الفرن على درجة حرارة ١٨٠ حوالي نصف ساعة ولما تستوي خرجيها من الفرن وسيبيها تبرد حبة وبعدين قطعيها وقدميها بعد كدة بجد حلوة اوي وطعم البسطرمة مع الجبن والفلفل جميل جداً يالا بئا جربيها وقوليلي رأيك وبالعافيه عليكى حبيبتي 😘😍🌹💞
عجبتك الوصفة؟
شوف كل وصفاتنا في مكان واحد
كل الوصفات →