→ كل الوصفات

جلاش بالجبنة وزيتون

#المريول_العالمي انا هنا استخدمت جبنة شيدر وقشطة هتعجبكم جداً بإذن الله ❤️

  • لفة جلاش
  • 1/2 كوب جبنة شيدر مبشورة
  • 1/4 كوب زيتون اسود شرائح
  • 1/2 كوب جبنة موزاريلا مبشورة
  • 1/4 كوب لانشون او تركي مبشور
  • 3 ملاعق كبار جبنة بيضا
  • معلقة كبيره قشطة
  • 1/2 كوب سمنة سايحة
  • كوب لبن دافي او ساخن شوية
  • بيضة مخفوقه (هي بتدي لون حلو)
  • رشة ملح وفلفل اسود
  • 1/2 مكعب مرقة
  1. في بولة حطيت جبنة بيضا وقشطه وبالشوكه هرستهم كويس
  2. نزلت عليها جبنة شيدر والموزاريلا ولانشون وزيتون وخلطهم مع بعض
  3. وعلى جنب سيحت السمنة وجبت صينية الفرن مدهون حطين نص لفه جلاش ودهنت بالسمنة السايحة طبعاً مابين طبقات علشان تطلع مورقة
  4. وحطيت حشو الجبن وبعدين حطيت باقي لفه جلاش ودهنت مابين طبقات وجبت سكينه وقطعت جلاش على صينية واخذت باقي سمنه سايحه دهنت بيها الوجه كده علشان تدخل مابين فتحات اللي عملتها بسكينة
  5. على جنب هحط بيضة على لبن ورشة ملح وفلفل ونص مكعب ماجي واخفقهم كويس واصبهم على الجلاش ككل علشان جلاش يطلع طري ومنفوش وفيه سنة قرمشة وواخد لون ودخلتها الفرن تأخذ لون وتستوي وبألف هنا
عجبتك الوصفة؟
شوف كل وصفاتنا في مكان واحد
كل الوصفات →