→ كل الوصفات

جلاش بالجبن والبسطرمه على البوتجاز

وجبه عشا #nona

  • لفه جلاش
  • جبنه موتزرايلا وميكس جبن شيدر ع رومى
  • تمن بسطرمه او ممكن تستخدموا لانشون
  • شرايح زيتون
  • علبه قشطه صغيره
  • علبه زبادى بلدى
  • 1/2 كوبايه زبده
  • معلقه صغيره بيكينج بودر
  1. اول حاجه نخلط الجبن والبسطرمه او اللانشون مع الزيتون وممكن تحطوا فلفل الوان بس خلوا بالكم لو استخدمتوا بسطرمه حاولوا باقى المكونات مايكونش فيها ملح لان البسطرمه مالحه يعنى ممكن ماتحطوش جبنه رومى او بدل البسطرمه استخدموا لانشون
  2. وللخليط اللى هنسقى بيه الجلاش نحط نص كوبايه زبده عليها علبه زبادى بلدى وعلبه قشطه صغيره ومعلقه صغيره بيكينج بودر ونخلطهم ببعض
  3. بنجيب لفه الجلاش بنفردها بالطول بندهن من الخليط السايل الطرف اللى ناحيتك الاول ونتنى الورقه ع الطرف اللى دهنتيه وبعدها تعدلى الورقه بحيب تبقى طويله تانى وتدهنى الطرف اللى من هناك وتحطى الخليط الجبن والبسطرمه او اللانشون وتتنى من الجنبين وتطبقى الجلاش مربع وبعدكده تكررى الكلام ده ف باقى الجلاش
  4. تجيبى طاسه ع البوتجاز دهناها زيت بفرشه وتحطى الجلاش المحشى فيها من الناحيه اللى قافلاه منها ويتحمر من الجنبين والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →