→ كل الوصفات
الجلاش بالقشطة من الحلويات اللذيذة أوي وفي شهر رمضان🌙✨ لازم صينية الجلاش دي بعد الفطار تكون تحلية على سفرتك 😋جربيها بنفسك وشوفي الحلاوة واللذاذة🤩
المقادير
- 1 علبة من الجلاش
- 1/2 كوب سمنة مذابة
- لعمل القشطة نحتاج
- 2 كوب حليب
- 3 ملاعق كبيرة نشا
- 2 ملعقة كبيرة سكر
- 2 ملعقة كبيرة قشطه
- 1 كيس فانيلا
- لعمل الشربات نحتاج
- 1 كوب سكر
- 1 كوب ماء
- 1 كيس فانيلا
- 1/4 ملعقة صغيرة عصير ليمون
طريقة التحضير
- أولاً حضري القشطة عشان لازم تكون باردة جيبى حاجة مناسبة وحوطي فيها الحليب والسكر والنشا والفانيلا وقلبيهم مع بعض كويس وبعد كدة حوطيهم على نار هادية واستمري في التقليب لحد لما يتقل القوام ويكون كريمي وبعد كدة ضيفي القشطة وقلبيهم مع بعض وبعد كدة شيليها من على النار وحوطي عليها كيس ثلاجة عشان متعملش قشرة وسيبيها تبرد خالص😍
- جيبى لفة الجلاش وافرديها وبعدين جيبي الصينية وحوطي الصينية فوق الجلاش وخودي بالظبط مقاس الصينية حددي بالسكينة على قد مقاس الصينية وباقي الجلاش لفية تاني ودخلية الفريزر وممكن تستغلية في وصفات تانية😍
- ادهني الصينية بالسمنة وبعد كدة حوطي فيها ورقة جلاش وبعد كدة ادهني ورقة الجلاش بالسمنة وبعد كدة حوطي ورقة جلاش وادهني ورقة الجلاش بالسمنة ولما تخلصي نصف كمية الجلاش حوطي طبقة القشطة وزعيها كويس وبعد كدة حوطي ورق الجلاش الباقي بنفس الخطوات يعني ادهني بين كل ورقة جلاش سمنة ولما تخلصي كل الكمية قطعي الجلاش مثلثات او اي تقطيع بتحبية ودخلي الصينية الفرن على درجة حرارة 180 لمدة 30 دقيقة تقريباً ولما تستوي خرجيها من الفرن وحوطي عليها الشربات يكون تقيل وبارد وغطيها لمدة 10 دقائق وبعد كدة قطعيها وقدميها😍
- فعلاً من أسهل واحلى وصفات الجلاش طعم القشطة حلو أوي والشربات مظبوط لازم تعتمدي الوصفه وتقدميها على سفرتك في رمضان🌙✨ ورمضان كريم عليكي😘🌹💞
- 😋😋😋😋😋😋
- 😋😋😋😋😋😋❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد