→ كل الوصفات
سهلة وسريعة #حلويات_الشتاء
المقادير
- لفة جلاش
- 1/2 كوب معياري سمنه سايحه دافية
- 1/4 كوب زيت
- الحشو
- زبيب / جوز هند / قرفة
- للتسقيه
- 2 ونص كوب معياري لبن
- 1/2 كوب ومعلقه كبيره معياري سكر عادي
- رشة فانيليا
طريقة التحضير
- اول حاجه بنجيب اللبن البلدي ونغليه ثم نضع السكر + الفانيليا ونقلب كويس لحد ما السكر يذوب ونتركه على جنب لحد ما اللبن يبرد تمام او يكون ساقع كمان (الغرض من انه يكون ساخن اني ادوب السكر كويس)
- تاني حاجه نخلط السمنه والزيت وندفيهم مش ساخن (علشان متهريش وتعجن الجلاش) ونتركهم على جنب
- بنجيب الصينية ونضع من ٣: ٤ ملاعق من خليط السمنه وندهنها كويس من كل الجوانب
- ثم نضع نص لفة الجلاش مره واحد بدون ما ندهنا (يعني نعدهم لو عشرين ورقه نأخذ عشر ورقات) ومش بنحتاج نحط سمنه بين الطبقات فبتكون سهلة وسريعة
- ثم نضع الحشو (شوية زبيب الكميةاللي تحبيها + جوز هند + قرفة ( اختياري) ) بتدي طعم يجنن بس لو مش بتحبيها عادي
- ثم نضع نص الجلاش التاني ونقطعها مربعات او مثلثات زي ما تحبي
- ثم نضع كل خليط السمنه والزيت على وجه الجلاش ونوزعه كويس على كل الوجه وبين الفراغات اهم حاجه علشان تورق الجلاش من جوه ونميل الصينينه نوقفها من كل الاتجاهات علشان تتوزع السمنه
- وندخلها فرن سابق التسخين على الشبكه اللي في النص على درجه حرارة ١٨٠ لمده من ٣٠: ٣٥ دقيقه لخد ما الجوانب تحمر او الجلاش من تحت ونشغل الشوايه تأخذ وجه ذهبي
- واول ما تخرج ساخنه ننزل عليها باللبن كله نوزعها في الصينية كلها وبجد ريحة القرفة خيال وخفيفه وسكرها مظبوط وبالف هنا
- ملحوظة : - ممكن ناكلها ساخنه بتدفئ وخفيفه - وممكن ناكلها ساقعه زي ما بتحبو
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد