→ كل الوصفات
صنيه جلاش مختلفه عن التقليدي بطعم رائع #جلاش #جلاش_باللحمة_المفرومة #جلاش_بالجبن #جلاش_باللحمة_المفرومة_والجبن
المقادير
- لفه جلاش
- 1/4 كوب جبنه متزريلا مبشورة
- 1/4 كوب جبنه شيدر مبشورة
- 1/4 كوب جبنه رومي مبشورة
- 1/2 كوب زبده ذائبه
- معلقه كبيرة زيت
- 1/2 كيلو لحمه مفرومه
- 1 بصله كبيرة مقطعه مكعبات صغيرة
- معلقه صغيرة ملح
- معلقه صغيرة فلفل اسود
- 1/2 معلقه توم بودرة
- 1/2 معلقه بصل بودرة
- 1/2 كوب لبن
- بيضه
- رشه فلفل اسود
طريقة التحضير
- في طاسه علي النار نحط معلقه الزيت وعليهم البصل ونشوحها كويس لحد ميدبل ويبقي لونه شفاف
- وبعدين ننزل باللحمة المفرومة ونقلبها كويس في البصل ونسيبها لحد متستوي كويس وبعدين ننزل عليها بالملح والفلفل الاسود و التوم والبصل البودرة نديهم تقليبه ونرفعهم من علي النار
- في صنيه متوسطه الحجم ندهنها كويس بالزبده ونبدء نرص ورق الجلاش نحط ٣ورقات وبين كل ورقه ندهن زبده كويس ننزل عليهم بنصف كميه اللحمة المعصجه و نفردها كويس ونرش عليها رشه من أنواع الجبنه
- ونرجع نحط ٣ورقات من الجلاش وبين كل طبقه دهنت زبدة وبعدين ننزل بباقي العصاج والجبن ونرجع نغطي ب٣ورقات جلاش وبرده ندهن زبدة بين كل ورقه
- و بسكينه حاميه نقطع الجلاش الي مربعات متوسطه الحجم
- وفي بولة صغيرة نحط نصف كوب اللبن والبيضه ورشه الفلفل ونضربهم كويس وننزل بيها علي الصنيه ونشربها كويس
- وندخلها فرن ساخن علي درجه حراره ٢٠٠ لمده تلت ساعه وبعدين نشغل الشوايه لحد متاخد لون دهبي
- وبالف هنا.... ورمضان كريم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد