→ كل الوصفات

جلاش باللحمة المفرومة

الجلاش طبعا من الحاجات السهلة والسريعة جدا علي سفرة رمضان ، جلاش المقرمش المظبوط 😉👌

  • ½ جلاش
  • سمنة سايحة (لتوريق الجلاش)
  • ¼ لحمة مفرومة او اكثر زي ما تحبي
  • بصلة كبيرة مبشورة
  • م ص ممسوحة (بهار لحمة ، فلفل ، قرفة ، ريحان)
  • مكعب ماجي
  • ملح حسب الاحتياج
  • كوب لبن
  • بيضة
  • رشة (ملح ، فلفل ، ريحان)
  1. اولا الحشوة : في طاسة اضع سمنة وانزل باللحمة اشوحها لحد لما تغير لونها بعدين انزل بالبصل اشوحه معاها لحد لما يدبل ، بعدين انزل التوابل والماجي واظبط الملح واقلبهم مع بعض كلهم وبس كدة ،،
  2. ثانيا : في حلة ادهنها بفرشاة بالسمنة السايحة وبعدين ابدا ارص الجلاش طبقتين وادهن سمنة وطبقتين وادهن وهكذا لحد نص الكمية بعدين افرد الحشوة وبعدين تاني ارص طبقتين جلاش وادهن وطبقتين وهكذا لحد لما تخلصي كل الكمية ،،
  3. بعدين قطع الجلاش مربعات براحة ودخليها الفرن لمدة ٥ او ١٠ دقايق الاول ، وبعدين طلعيها وتنزلي عليها (اللبن ، البيض ، التوابل) المكروبين مع بعض علي كل الصينية ودخليها الفرن لحد تمام السوي وبس كدة بالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →