→ كل الوصفات

جلاش باللحمة المفرومه

طريقة عمل جلاش باللحمة المفرومه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو جلاش
  • ¼ كيلو لحمه مفرومه
  • بصله مفرومه
  • قطع صغيره فلفل متقطع
  • ملح وفلفل اسود حسب الرغبة
  • رشه جوزة الطيب
  • شوية زيت وزبدة
  • بيضه
  • كوب لبن
  • ربع كوب مرقه لحمه او ماء
  • فص توم مفروم
  • معلقه صلصه
  • رشه سكر اختياري
  • كمية جبنه موتزاريلا اختياري
  1. هنحط زيت و بعدين ننزل بالبصل و بعدين التوم و الملح و الفلفل ورشة جوزة الطيب و معلقه الصلصه و رشه سكر
  2. هنضيف اللحمه و نقلب ولحد ما تتعصج و تستوي
  3. هندوب اربع معالق كبار م الزبده او السمنه
  4. هندهن صينيه بالزبده و نحط ورقه جلاش وندهن خفيف ونحط ورقه تانيه وهكذا لحد ما نوصل لنصف كميه الجلاش يعني مثلا ٦ ورقات واخر واحده مندهنهاش زبده.. هنحط بقا اللحمه المتعصجه وشويه جبنه موتزاريلا ونرص الجلاش ورقه ورقه ع طبقه اللحمه وبين كل طبقه هندهن زبده بالفرشاه لحد اخر طبقه ندهما برضو
  5. نخلط البيضه في كوب اللبن والشوربه ونحط ملح وفلفل ونوزعهم ع صينيه الجلاش كويس ونقطع الجلاش بالسكينه بالشكل اللي تحبوه وع الوش جبنه موتزاريلا
  6. هنحط الجلاش ف فرن سخن ع درجه حراره ١٨٠ درجه ف الرف اللي ف النص لمده ١٥ دقيقه تقريبا وبعدين تحت الشوايه لحد ما ياخد اللون القمر ده 😍
  7. هنطلع الجلاش ونغطيه لمده ٥ دقايق بس وهو سخن علشان يحافظ انه يبقي طري ونعيد ع التقطيعه اللي كنا عاملينها قبل التسويه تاني وصحتين وهنا❤⚘
عجبتك الوصفة؟
شوف كل وصفاتنا في مكان واحد
كل الوصفات →