→ كل الوصفات

جلاش باللحمه المفرومه ⁦❤️⁩

طريقة عمل جلاش باللحمه المفرومه ⁦❤️⁩ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو لحم مفروم
  • لفه جلاش 500 جرام
  • ½ كوبايه سمنه على زيت
  • كوبايه موتزاريلا على شيدر
  • ½ لحمة مفرومه
  • 2 بصله متوسطه ومقطعه صغير
  • 2 فلفل مقطع صغير
  • 2 طماطم مبشوره
  • ملح وفلفل اسود
  • كوبايه الا ربع لبن سائل
  • بيضه
  • رشه ملح وفلفل اسود
  • ½ معلقه صغيره بيكنج بودر
  • معلقه لبن بورده
  1. هنجهز الصينيه وندهنها من خليط السمنه على الزيت ونبدأ نفرد طبقات الجلاش بين كل طبقه والثانيه هندهن سمنه على زيت وبعد ما نخلص نص الكميه هنحط الحشو والطبقه اللي هنحط عليها الحشو مش هندهنها
  2. هنجهز الحشو بقي.هنحط معلقتين زيت في طاسه ولما يسخنوا ننزل بالبصل وقبل ما يغير لونه هنزل باللحمه ونقلبها لحد ما لونها يتغير وبعدها هنحط الملح والفلفل الاسود وبعدين الطماطم المبشوره ونسيبها لحد ما تنشف واخيرا نضيف الفلفل ونظبط الملح في الآخر ودقيقتين ونطفي وتبقي كدا جاهزه
  3. هنضيف الشيدر والموتزاريلا فوق اللحمة ونكمل باقي الطبقات وندهن بين كل طبقه والثانيه سمنه على زيت لحد ما الكميه تخلص
  4. هندهن الوجه ونقطعها مثلثات
  5. دخلتها في فرن سخن في الرف الوسطاني على حراره ١٩٠ل٢٠٠ وتقريبا ٧ دقائق وخرجتها حطيتلها الصوص اللي هو ربع كوب لبن وعليه بيضه مضروبه كويس ورشه ملح وفلفل اسود ونص ملعقة صغيرة بيكنج بودر ومعلقه صغيرة لبن بورده وضربت تاني لحد ما دابو ووزعت الصوص على الجلاش ودخلتها الفرن تاني ثلث ساعة وبعد ما الجوانب احمرت قفلت الفرن و شغلت الشوايه علشان تأخذ لون من فوق وطفيت
  6. خرجتها غطيتها تاني وبعدين قطعتها وقدمتها وبالهنا⁦❤️⁩
عجبتك الوصفة؟
شوف كل وصفاتنا في مكان واحد
كل الوصفات →