→ كل الوصفات
طريقة عمل جلاش باللحمه المفرومه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو لحم مفروم
- 2 لفت جلاش على حسب عدد الورق
- جوزة الطيب
- ملعقة صغيرة فلفل اسمر مطحون
- ملح
- قرفة خشب
- ملعقة صغيرة بهارات لحمة
- 4 ملاعق صلصة
- بصل مقطع ناعم
- فصين ثوم مفروم كويس حسب الرغبه
- فلفل اخضر حار بارد حسب الرغبه مقطع ناعم
- زيت وسمنه
- 2 كوب لبن حليب
- 2 بيض
طريقة التحضير
- نبدأ بيتعصيج اللحمة المفرومه نحط البصل مع معلقت سمنه وزيت مش كتير عشان الدسم مايكونش كتير ونشوح البصل لحد مايدبل وننزل عليه بحبة فلفل اسود مع الثوم المفروم تشويح سريع
- ننزل باللحمه ونقلب كويس وننزل بالبهارات قرفة والملح وبهارات اللحمة وجوز الطيب مبشوره ناعم اوي والصلصة وشوية فلفل اسود مع التقليب الجيد ونهدي النار وكل فتره نقلبها
- في نص تعصيح اللحمة نحط الفلفل الأخضر وممكن فلفل الوان لو موجود ونقلب
- نسيب بقه اللحمة تكمل عادي حتى تمام النضج
- نجيب صينيه وندهن طبقة زيت خفيفه
- نقسم ورق الجلاش بالنصف وناخد اول نص ونبدأ نفرد في الصينيه وبين كل طبقه دهنة زيت اوسمنه لحد لما نخلص النص الاول
- نحط اللحمة وفوقها نصف الجلاش اللي فاضل وبرضو بين كل طبقه وطبقه دهنت سمنه اوزيت بس السمنه افضل في الطعم
- عند الانتهاء ندخل الصينيه الفرن على درجة حرارة متوسطة لحد لما تأخذ اللون الذهبي نطلعها ونسيب الفرن عشان هنحطها تاني
- تجيب اللبن والبيض وحبة فلفل اسود ونخلطهم كويس ونسقي الصينيه بيهم وندخلها الفرن تاني لحد لما تتشرب اللبن والبيض
- نطلعها ومن الفرن ونغطيها لو حبنها تبقه طريه أو نسيبها مكشوفه شويه لو حبنها تبقه مقرمشه وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد