→ كل الوصفات

جلاش باللحمه المفرومه 💕💕

من أسرع وأجمل الاكلات في اي وقت شتاء او صيف 💕🎇🎉 #عروسة_جديدة

  • لفة جلاش
  • لحمة مفرومه معصجه
  • 2 بيضه
  • كوب لبن 200 ملل أللى هي كباية العصير الشوب مش المج
  • 4 معلقة كبيرة سمنه سايحه مش مقدوحه
  • معلقه صغيره ملح
  • معلقه صغيره فلفل اسود
  1. اولا نحضر صينية مدهونة سمنه ونبدأ بوضع اوراق الجلاش فيها وندهن بين كل ورقتين سمنه
  2. يعنى ورقة و ورقه وسمنه و ورقه و ورقه وسمنه لحد مانخلص نص اللفه نضع حشوة اللحمة في النص
  3. ونرجع نكمل باقي اللفه بنفس الطريقه لحد ماتخلص وندهن الوجه سمنه
  4. بسكينه رفيعه حاميه نقطع الجلاش
  5. ونحضر التسقيه بتاعته نكسر البيض ونضع عليه الملح والفلفل ونقلب كويس ثم نضيف اللبن ونقلب كويس ثم نسقى كل الصينيه ونحركها كل الاتجاهات ونخبطها بسيط عشان توزع التسقيه
  6. تدخل الفرن على ٢٠٠ رف أوسط لحد ما الوجه يحمر ولما تطلع نغطيها بفوطه نظيفه عشان تفضل طريه
  7. يارب تجربوها وبألف صحة وعافيه على قلوبكم 💕🌹
عجبتك الوصفة؟
شوف كل وصفاتنا في مكان واحد
كل الوصفات →