→ كل الوصفات

جلاش باللحمه المفرومه

#يوميات_رمضان

  • لفه جلاش نص كيلو
  • 1/2 كيلو لحم مفروم
  • بصله كبيره
  • معلقه سمنه كبيره
  • معلقه صغيره فلفل اسود
  • معلقه صغيره ملح
  • معلقه صغيره كزبره ناشفه
  • 1/4 كوب سمن
  • كوب لبن
  • بيضه
  • رشه ملح وفلفل
  1. عالنار هنسخن طاسه ونضيف فيها معلقه السمن وننزل بالبصله متقطعه صغير ونشوحها حلو اوي هننرل باللحمه ونقلبها ونهدي النار عليها خالص لما تنزل ميتها وتتشربها هنضيف التوابل والملح ونتاكد أن اللحمه استوت ومفيهاش سوايل خالص كدا تبقى تمام
  2. هنفرد الجلاش من اللفه هنجيب صينيه كبيره مقاس ٣٠ ندهنها سمن ونفرد ورقه جلاش وندهنها بسيط ونحط ورقتين جلاش وندهنهم سمن وهكذا لما نوصل لنص اللفه هنضيف اللحمه ونكمل باقي الجلاش على اللحمه وبين كل ورقتين هندهنها سمن لما نخلص الورق كله
  3. هنقطعها حسب الرغبه وفطبق هنقلب البيضه واللبن ورشه الملح والفلفل ونسقي الجلاش بيهم وندخلها الفرن على ٢٠٠ ونسيبها تستوي والجلاش يتشرب اللبن ووشه يحمر وبالهنا 👍💪
عجبتك الوصفة؟
شوف كل وصفاتنا في مكان واحد
كل الوصفات →