→ كل الوصفات
طريقة عمل جلاش باللحمه المفرومه 🥪👌✌️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- لفة جلاش نصف كيلو
- 1/2 كيلو لحمة مفرومة
- بصلة كبيرة🧅
- طماطم مبشورة🍅
- فلفل ألوان 🫑🌶️
- ملح وفلفل اسود حسب الرغبة
- مكعب مرقة
- بهارات لحمة
- سمنة بلدي او زبدة
- كوب لبن
طريقة التحضير
- أولا نقطع البصل ولما يدبل نضيف الفلفل الالوان وبعدين اللحمة ونقلبهم ونضيف الطماطم المبشورة والملح والفلفل والبهارات ومكعب المرقة ونسيب اللحمة لما تستوي وبعد كده نجيب صينية وندهنها سمنة او زبدة ونبدأ برص الجلاش وبين كل ورقتين نحط رشة سمنة خفيفة علشان يورق وهنحط نص كمية الجلاش تحت وبعد كده اللحمة المعصجة وبعدين باقي ورق الجلاش
- وبعد ما نخلص نقطعها قبل ما ندخلها الفرن ولما ندخلها الفرن بعد عشر دقايق نطلع الصينية ونحطلها كوباية اللبن اللي هنكون مدوبين فيها شوية فلفل اسود ورشة ملح خفيفة جداً
- واللي بيحب البيض يحطه مع كوباية اللبن
- ونسيها في الفرن لغاية ما يحمر والف هنا للجميع 🌹🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد