→ كل الوصفات
#ازاي_تعملي اسرع واحلى صينيه جلاش بالمكسرات بطريقه جديده وسهله جداً للمبتدئين 🙈 جربوها وسبولي صور تطبيقاتكم 👇😍
المقادير
- لفه جلاش من 400 جرام
- 1/2 كوب زبدة ذايبه
- 2 معلقه كبيره سمن بلدي
- من 4 ل5 ملاعق كبار مكسرات (سوداني او لوز او بندق) حسب الرغبه
- 3 معالق كبار جوز هند
- معلقه كبيره زبيب
- 2 معلقه كبيره سكر
- كوب ونص سكر المعيار ب (كوب شاي)
- كوب ونص ماء المعيار ب (كوب شاي)
- 1/2 ليمونه او عصره
طريقة التحضير
- اول حاجه نعمل السيرب نحط الماء على السكر وبدون تقليب ونسيبه على النار لمده ١٠ دقائق
- بعد ١٠ دقائق نعصر عصرتين ليمون ونسيبها تغلى لمده دقيقتين ونطفي ونسيبه يبرد السيرب بيكون خفيف مش تقيل
- نقص ورق الجلاش على شكل الصينيه اللي هانعمل فيها ونسيب ورقتين من غير قص هانعرف هانعمل بيهم ايه في الاخر
- نقسم الورق نصين
- نذوب السمن البلدي ونضيفه على الزبده الدايبه
- نجيب فرشه وندهن الصينيه بالزبده
- نحط النص الأول من الجلاش بدون اي زبده بين الطبقات يعني هانرص ورقه فوق ورقه من غير حاجه
- هانقلب كل مكونات الحشو مع بعض (سوداني وجوز هند وزبيب وسكر)
- هانحط الحشو على الجلاش في النص ونبدأ نوزعه ومانخليش الحشو يوصل للاطراف عشان مايخرجش بره ويتحرق
- نحط الطبقه اللي باقيه من الجلاش بنفس الطريقه من غير ماندهن زبده بين الطبقات
- اخر ورقتين سبناهم من غير قص هانحطهم على الوجه وندخل الأطراف لتحت بحيث نقفل ونغطي الجوانب كويس والحشو مايخرجش بره
- نبدأ نقطع الجلاش لقطع صغيرة
- ننزل بالزبده بالتساوي على وجه الجلاش بحيث كل الجلاش يتشرب بالزبده
- ندخله فرن سخن على درجه حراره وسط لحد مااطرافه تلون ونرفعه تحت الشويه على نار وسط بردو عشان يورق وهاياخد من ١٠ ل ١٥ دقيقه
- مجرد ماياخد اللون الذهبي الحلو دا هانطلعه
- ننزل على الجلاش بالسيرب او الشربات البارد وممكن مانخدش السيرب كله ودا على حسب الرغبه وينسيبه يهدي شويه ونقدمه
- وبس كده بالف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد