→ كل الوصفات

جلاش بحشوة الجبن (+ طريقة عمل عجينه جلاش)

هنقول طريقه عمل عجينه جلاش ولما تستوي زيها زي لما تأكليها جاهزة ماشاء الله هتعجبكم جدا بإذن الله ❤️

  • 1/2 (1 كوب) دقيق (حوالي 180 جرام)
  • 1/2 كوب ماء (حوالي 120 مل)
  • 2 م ك زيت
  • 1/2 م ص خل تفاح
  • رشة ملح
  • كوب جبن ميكس وقابل للزيادة (بس قللي من رومي لانه بيحدق طعم)
  • قطع صغيره فلفل ألوان أخضر وأحمر وأصفر مقطع
  • 1 طماطم مكعبات منزوعة بذر (اختياري)
  • بيضة مخفوقة
  • 1/2 كوب حليب دافي
  • 1/2 مكعب ماجي
  • رشة ملح وفلفل
  1. هنحضر العجينه الاول : في بولة هنحط الدقيق والملح ونخلطهم كويس ونجيب بولة تانيه هنخلط فيها الماء والزيت والخل وبعدين انزلها ع خليط الدقيق والملح بالتدريج مع الضرب بالمضرب الكهربائي ع سرعة بطيئه
  2. ونستمر في العجن لحد مانوصل لعجينه لينه ومتماسكه ونرفعها من المضرب الكهربائي ونعجن باليد ع سطح نضيف ومرشوش بشوية دقيق ونشكل العجينه ع هيئة كرة كبيرة
  3. هنقسم الكرة الى نصفين وكل نصف هنقسمه ل ٦ قطع متساوية ونفرد كل قطعة من عجينه جلاش بالنشابة لحد ماتصبح رقيقه جدا مع ضرورة وضع دقيق ع نشابة و ع سطح اللي بنفرد عليه العجينه وفي كل مره نرقق العجينه بايدينا عن طريق شدها برفق و ببطء وماتقلقيش لو حصل ثقوب المهم يكون في عجينه واحده سليمه تماماً اللي هنحطها ف الوجه
  4. وبعدين نجيب صينيه مدهونه سمنه ونحط ١/٢ رقائق جلاش ومابين كل قطعه و قطعه ندهن بسمنه سايحه وبعدين نحط حشوة الجبن والخضار وبعدين نحط باقي رقائق جلاش مع دهن مابين كل قطعه وقطعه و ع جنب هخلط الحليب مع بيضه و ١/٢ مكعب ماجي ورشه ملح وفلفل مع بعض كويس وندهن بيها الوجه و ندخلها الفرن تستوي وتاخد لون ونطلعها و نغطيها بورق فويل وعند تقديم نقطعها ونقدمها وماشاء الله هتلاقيها طالعها مورقه وطعمها حلو جدا وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →