→ كل الوصفات

جلاش بحشوه فراخ وفلفل ألوان

انا عملتلكم بطريقة تانيه مره عملته بالفراخ وسبانخ هحطلكم اللينك ف الاخر هيعجبكم جدا بإذن الله ❤️

  • لفة جلاش
  • 1/2 كوب سمنة
  • 1/2 ك صدور فراخ مقطعه مكعبات
  • بصلة متوسطة مفرومة
  • م ص توم مفروم
  • مكعبات فلفل رومي اخضر واحمر واصفر
  • ملح وفلفل حسب الرغبه
  • م ص بهارات فراخ او بهارات تركيه(طريقه عندكم ف الوصفات عندي)
  • م ص كمون
  • م ك زيت
  • بيضة مخفوقه
  • رشة ملح وفلفل اسود
  • كوب لبن دافي
  • 1/2 مكعب ماجي
  1. في طاسه ع نار هحط زيت واشوح الفراخ لحد مالونها تتغير وبعدين اضيف البهارات التوم واخلطهم دقايق وبعدين انزل بالبصل وفلفل الالوان واقلبهم واسيبها دقايق ينضجوا واقفل عليها
  2. نجيب صينية مدهونة سمنة وتقسم الجلاش الى نصين نرص اول نص ف صينية بس ندهن مابين كل طبقه طبقه سمنة سايحة
  3. ونحط بعد كده الحشوة وبعدين نحط باقي لفة الجلاش وبردو ندهن مابين كل طبقة وطبقة
  4. بقطع الجلاش مربعات وبحط باقي سمنة عليه يتوزع ع صينية ككل
  5. ع جنب هحط بيضه ع لبن و رشه ملح وفلفل ونص مكعب ماجي واخفقهم كويس واصبهم ع جلاش ككل علشان جلاش يطلع طري ومنفوش وفيه سنة قرمشة وواخد لون
  6. وبعدين دخلتها الفرن تستوي وتاخد لون من تحت وبعدين شغلت الفرن من فوق اخدت لون وقفلت عليها وبألف هنا ⁦♥️⁩
  7. دي طريقه الجلاش بالفراخ والسبانخ
عجبتك الوصفة؟
شوف كل وصفاتنا في مكان واحد
كل الوصفات →