→ كل الوصفات

جلاش بحشو التفاح و القرفه

كتير بنعمل جلاش بالقشطة أو المكسرات انا قلت اجدد و اعمل بقلاوة بحشوة التفاح و عملتها نصيب نص بالسكر البودرة و النص التاني سقيتة بالسيرب و في امان لضمان نجاح بقلاوة التفاح اولا بعد ما نجهزها يستحسن تسببها ف الثلاجة مش اقل من ساعتين و ممكن اكتر و تدخل و هي باردة على فرن حامي و ثانيا لو هنسقيها شربات لازم يكون بارد و مشبر كمان

  • 5 تفاخات مقشرة و مقطعة
  • باكو جلاش نوع يكون حلو
  • 1/2 كوب سكر
  • معلقتين قرفة
  • معلقتين كبار زبدة
  • معلقة كبيرة نشا
  • زبيب أو مكسرات و دة اختياري
  • 1/2 كوب من السمن السايح
  1. نحضر المكونات و نقشر التفاح و نقطعه..و نضع الزبدة و فوقها التفاح و القرفة و لما ينزل مية نذوب فيها النشا و نزود زبيب
  2. و دة شكل الحشوة نضعها في طبق و تسببها تهدى
  3. نجيب الصينية و ندهنها سمن كويس جداً و نبدأ نفرد الجلاش و ندهن بين كل ورقتين لحد نص الكمية و نضع الحشو و نكمل الحزء الباقي بنفس الطريقه و نقطعها بسكينه حامية و نسيح نص كوب سمن او زبدة و نسقى الصينية و ندخلها الثلاجة على الاقل ساعتين..بعدها تدخل فرن حامي 25 دقيقه..انا سقيت نص الصينية شربات و النص التاني رشيته سكر بودرة
  4. حلوة جداً و تجديد و بالف هنا
  5. جربوها هتحبوها
عجبتك الوصفة؟
شوف كل وصفاتنا في مكان واحد
كل الوصفات →