→ كل الوصفات

جلاش بمكس الجبن 🧀

طريقة عمل جلاش بمكس الجبن 🧀 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • لفة جلاش
  • الحشو
  • 1/2 كيس ميكس جبن + جبنة موتزاريلا
  • فلفل رومي اخضر او الوان مقطع
  • رشة بقدونس
  • زيتون
  • خلطه الدهان
  • 2 علبه زبادي صغيرة
  • 4 معالق ك سمنه مذابه وليس ساخنه
  • 2 معلقه ك قشطة بلدي
  • 2 معلقه ك زيت
  • 1/2 معلقه ص بيكنج بودر
  • للوجه
  • رشة حبة البركه (اختياري)
  1. اول حاجه نحضر الحشو في بوله نضع (نص كيس ميكس جبن + نص كيس جبنة موتزاريلا + فلفل رومي مقطع + رشة بقدونس + زيتون) ونخلطهم سوا كويس ونتركهم على جنب
  2. تاني حاجه بحضر خليط الدهان في بوله نضع (الزبادي + القشطة) ونضربهم بالمضرب السلك كويس لحد ما يبقى الخليط كريمي
  3. ثم ننزل عليه (بالسمنه المذابه ومش ساخنه + الزيت) ونخلط ثم البيكنج بودر ونخلط ونترك الخليط على جنب
  4. بنجيب صينينه وندهنها سمنه كويس من كل الجوانب
  5. ثم بنجيب الجلاش وبنقسم لفة الجلاش بالنص (بنعد كام طبقة ونقسمهم) ثم نأخذ كل طبقة من الجلاش ونرصهم في الصينية وندهنها من خليط الدهان اللي حضرنا وهكذا لحد ما نخلص نص كمية الجلاش
  6. ثم نضع الحشو ونفرده كويس ونضغط عليه بايدنا بحيث نساويه
  7. ثم نكمل باقي نص لفه الجلاش بنفس الطريقه نأخذ كل راق وندهنه بخليط الدهان ونقطع الجلاش زي ما نحب وممكن في الخطوه دي نحفظه في كيس مقفول لتاني يوم في الثلاجه
  8. تدخل فرن سابق التسخين على ١٨٠ في الشبكه في النص لحد ما تحمر الجوانب ورايحة الجلاش تطلع كده - ثم نشغل الشوايه تأخذ لون ذهبي جميل وبالف هنا والافضل تتاكل ساخنه علشان الجبنة تكون سايحه وجميله
عجبتك الوصفة؟
شوف كل وصفاتنا في مكان واحد
كل الوصفات →