→ كل الوصفات

جلاش حادق بحشوه جديده 👍

#ضيوف_ رمضان

  • لغه جلاش
  • كبد وقوانص
  • كوب شوربه او مرقه
  • سمنه
  • بصله كبيره
  • فلفل اخضر
  • ملح
  • وفلفل اسود
  • وبهارات فراخ
  • وحبهان
  • وورق لورا
  • وزنجبيل
  • وقرفة
  • مكعب مرقه
  • بيضه للوجه (حسب الرغبه)
  1. بسم الله اول حاجه هنقطع الكبد والقوانص واحسن حاجه نقطع بيها هي المقص هنقطعهم مكعبات صغيرة خالص وبعدين نغسلهم كويس بالخل والليمون
  2. هنجيب طاسه على النار ونقطع فيها البصله وشويه زيت ونحمر البصله شويه وبعدين ننزل بمكعب المرقه والكبد والقوانص وبعدين البهارات ونقطع الفلفل الأخضر ونحطه ونسيبها شويه لما يستوي
  3. هنجيب صينيه الفرن وندهنها سمنه ونحط اول ورقه جلاش وبين كل ورقه والتانيه هندهن سمنه وهكذا لحد لما نخلص نص لفه الجلاش وبعدين نجيب الحشوة ونفردها ونغطي بورقه جلاش لحد لما نخلص النص التاني ومننساش ندهن الورق سمنه
  4. هنقطع الصينيه بالشكل ال عايزينه وبعدين نسقيها بكوبايه الشوربه ولو عايزه تجيبي بيضه وتكسريها وتحطي عليها ملح وفلفل اسود وتحطيها على وجه الصينيه زي ما انتي عايزه يا ست الكل
  5. هندخل الصينيه الحلوه الفرن لحد لما تتحمررولما تخرج لو عايزاها طريه هنغطيها وهي ساخنه بصينيهتانيه ولو عايزاها مقرمشه سبيها زي ما هي.......وبالهنا
عجبتك الوصفة؟
شوف كل وصفاتنا في مكان واحد
كل الوصفات →