→ كل الوصفات
طريقة عمل جلاش حادق سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- لفه جلاش
- 1/4 كيلو لحمه مفرومه
- 3 حبه طماطم
- 2 حبه بصل
- 1/2 كوب زيت
- 5 حبه فلفل اخضر بارد
- 1/2 كوب حلقات زيتون اخضر
- بيضه
- كوب حليب
- 1/2 معلقه كبيره ملح
- 1/2 معلقه صغيره فلفل اسود
- 1/2 معلقه كبيره كزبره ناشفه
- رشه كمون
- كوب ونصف من الجبنه الميكس موزاريلا علي شيدر
طريقة التحضير
- نقطع البصل والطماطم والفلفل قطع صغيره كل واحد لوحده نحضر طاسه ونرفعها علي نار تسخن ونضيف نصف كوب الزيت وعليه البصل ونقلب لحد ما تدبل البصل ونضيف عليها اللحمه المفرومه والفلفل الاخضر ونفضل نقلب لمده خمس دقايق وبعدين نضيف الطماطم ونهدي النار شويه وكل شويه نقلبها لحد ما تتشرب اللحمه الطماطم ننزلها من على النار ونضيف الزيتون الاخضر وشويه ملح وشويه فلفل اسود والكزبره ونقلب ونخليهم على جنب
- نخلط البيضه مع كوب الحليب فى بوله صغير ونضيف شويه ملح والكمون ونقلب كويس
- نقطع لفه الجلاش زي ما هى كده رول ونقطعها نحضر صينيه بيركس وندهنها شويه زيت ونضيف نصف كميه الجلاش وبعدين نضيف اللحمه كلها وعليه شويه جبنه وبعدين نضيف باقى الجلاش والبيضه بالحليب وعلى الوجه باقى الجبنه
- ندخلها الفرن اول ما تحمر من تحت نشغل عليها النار من فوق تاخد لون دهبى فاتح بعد ما تبرد شويه نقطعها وبالهنا
- ممكن نستبدل اللحمه بصدر فرخه مقطع شرايح حتبقا طعمها حلو برضو
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد