→ كل الوصفات

جلاش حلو بالكريمة

طريقة عمل جلاش حلو بالكريمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • لفة جلاش
  • حوالي نص كوب زبدة سايحة وربع كوب زيت نباتي
  • كوبايتين حليب
  • 1/4 كوباية سكر
  • كيس كريم شانتية
  • 3 معالق صغيرة مليانة نشا
  • علبة قشطة
  • فانيليا
  • كوبايتين سكر
  • كوباية ونص مية
  • 1/2 ليمونة
  • ملعقه صغيره فانيليا
  • معلقة زبدة
  1. نسيح الزبدة مع الزيت وندهن الصينية بالزبدة ونحط أول ورقة جلاش وبين كل ورقة واللي بعدها ندهن زبدة
  2. الورقة اللي هنحط عليها القشطة مش بندهنها زبدة
  3. لتحضير القشطة بندوب كل مكونات القشطة مع بعض علي البارد وبعدين نرفها علي النار حتي تتماسك وتبقي زي القشطة
  4. بنحطها ونحط باقي ورق الجلاش وبردة بين كل طبقة ندهن زبدة وبشويش بنقطعها قبل ماندخلها الفرن
  5. بتدخل علي فرن حامي ونخلي درجة الحرارة علي ١٨٠ ونسيبها تستوي براحتها ونتابعها عشان تتحمر من تحت مظبوط وبعدين نطفي ونشغل الشواية تاخد لون
  6. مكونات الشربات بنقلب السكر والمية مع بعض لما يغلي بنعصر الليمون ونحط الفانيليا ومعلقة الزبدة بتديه لمعان ونسيبة يبرد
  7. بنخرج الجلاش سخن ونحط الشربات ساقع
  8. ولما تبرد نقطعة تاني ونقدمة بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →