→ كل الوصفات

جلاش ساندويتش بالسجق وصوص الجبنة 🌯

وصفة تنفع لجوع اخر الليل 😉 اتعشيت بيها امبارح وطلعت تحفة 😋😋

  • جلاش علي قد حشوة السجق
  • ¼ سجق مقطع صغير
  • 1 طماطم مقطعة مكعبات صغيرة
  • 1 فلفل رومي مقطعة صغير
  • 1 فلفل حار مقطع او فلفل هالبينو (اختياري)
  • م ص ثوم نفروم
  • ½ م ص من (فلفل ، كاري)
  • م ص ريحان
  • ملح حسب الاحتياج
  • ½ كوب لبن
  • م ص دقيق
  • 2 م ص جبنة فيتا استخدمت (بطعم الريكفورد)
  • جبنة رومي او شيدر مبشورة
  • ½ م ص ريحان
  • رشة فلفل اسود
  • ½ مكعب ماجي (اذا احتاجت)
  1. اولا الحشوة : في طاسة زيت زيتون وانزل بالسجق اشوحه وبعدين انزل الفلفل والثوم واشوحهم ، وبعدين الطماطم والتوابل واقلب لحد لما كله يستوي مع بعضه وبس كدة ،
  2. ثانيا الصوص : وطريقة الصوص دي من اختراعي يعني حاجة كدة في السريع 😉 ، المهم اضع كل مكونات الصوص في حلة وارفعهم علي النار مع التقليب لحد لما كله يختلط مع بعضه والجبنة تسيح والخليط يتقل وبس كدة ،
  3. ثالثا الساندويتش : ١/اجيب ورقة جلاش واطبقها قبل النص بشوية يعني (الورقة اتنيها علي اتنين بس مش للآخر تمام) ، ٢/بعدين ادهنها سمنة علي خفيف كدة بفرشاة ، ٣/بعدين احط عند الطرف صوص الجبنة وبعدين عليها السجق واطبقها من الاطراف والفها رول ودهنها تاني دخنة سمنة خفيفة خالص ، ٤/في طاسة تيفال انزل الساندويتش واحمله كدة زي الصورة بالظبط ، وهكذا لحد لما تخلصي الحشوة وبس كدة هتلاقيه مقرمش وتحفة بجد😋 وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →