→ كل الوصفات
وصفه عشاء سريع في ١٠ دقائق فقط سهل ولذيذ
المقادير
- لفة جلاش
- جبن رومي مبشور
- جبن موتزاريلا
- فلفل الوان مقطع صغير
- شرايح زيتون أخضر
- بسطرمه
- للوجه..بيضة، كوب زبادي، نصف كوب لبن، ملح وفلفل
- سمن
طريقة التحضير
- هقولك طريقة ولا أسهل هتجيبي لفة الجلاش سليمه زي ماهي هتقطعيها نصفين بالشكل ده
- هتجيبي الصينية تدهنيها سمن كويس وتقطعي نصف الجلاش شرايح وهو ملفوف زي ماهو بالشكل ده
- هتحطي الجزء اللي قطعتيه في الصينية وتقلبيه بمعلقة سمن وتحطي الحشوة بتاعتك كده، أنا هنا عملتها بشرايح رومي مدخن
- هتقطعي النصف التاني لشرايح برضو وتفرديه فوق الحشوة بمنتهي السهوله وعليه ملعقة سمن
- في بوله هتضربي البيضه مع رشة ملح وفلفل اسود مع اللبن والزبادي ومعلقة سمن كمان وتحطي الخليط فوق وجه الصينية وترشي شوية موتزاريلا وعلى الوجه كمان رشة سمسم وحبة البركه
- وتدخل الفرن على درجة حرارة ١٨٠ لما تتحمر فوق وتحت بالشكل ده
- تخرج من الفرن ريحتها تحفه وجواها طري زي الفطير ومقرمشه من بره وعمرها ما تلزق في الصينية طالما مدهونة كويس
- وتتقدم في طبق التقديم وبألف هنا على قلوبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد