→ كل الوصفات

جلاش فيتوتشيني بحشوة البسطرمة وميكس الجبن 😋❤️

الجلاش من الأكلات اللذيذة جداً 😋ممكن نحشية باللحمة المفرومة🥩 أو الفراخ 🍗او الجبن🧀 والنهارده هعمل لكم طريقة جلاش سهلة وبسيطة من غير توريق ودهان لكل واحدة جلاش✌️🤩 😎هعملة زي المكرونة الفيتوتشيني سهل وسريع في التحضير ولذيذ جداً جربيه أكيد هيعجبك 👌🏻😍❤️ #اكلات_للعشاء

  • 1 علبة من الجلاش
  • 1/2 كوب زيت
  • كمية من ميكس الجبن (رومي _موتزاريلا_شيدر)
  • كمية من الزيتون
  • كمية من البسطرمة
  • كمية من الفلفل الأخضر مقطع مكعبات صغيرة
  • 1 كوب حليب
  • 1 بيضة
  • رشة صغيرة من الملح
  • رشة صغيرة من الفلفل الأسود
  1. أولاً جيبي الجلاش وزي ماهو ملفوف قطعية بالسكينة شرائح رفيعة وبعد كدة جيبي طبق غويط وحوطي فيه الجلاش وحوطي عليه 1/2 كباية زيت وقلبي الجلاش مع بعض بإيدك وفككية من بعض زي الكنافة😍
  2. جيبي صينية مناسبة وادهني الصينية بالزيت وحطي فيها نصف كمية الجلاش وبعد كدة حوطي البسطرمة وميكس الجبن والزيتون والفلفل الأخضر وممكن تحوطي الحشوة اللي إنتي بتحبيها حسب ذوقك وبعد كدة حوطي نصف كمية الجلاش فوق الحشوة وزعيها كويس 😍
  3. جيبى كوب الحليب وحطي فية البيضة والملح والفلفل وقلبيهم مع بعض وبعد كدة حوطي خليط الحليب والبيض فوق الجلاش وزعية كويس وسيبية لحد لما يتشرب كل كمية الحليب مع البيض😍
  4. قطعي الجلاش مثلثات او اي تقطيع بتحبية ودخلي الصينية الفرن على درجة حرارة 180 لمدة 30 دقيقة تقريباً ولما يستوي خرجية من الفرن وغطية وسيبية 10 دقائق عشان يكون طري معاكي وبعد كدة قطعيه وقدمية على العشا او الغدا بجد حلو ولذيذ😍 وسريع مش هياخد منك وقت خالص جربيه أكيد هيعجبك جداً 😍👌🏻❤️
  5. 😋😋😋😋😋😋
  6. 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →