→ كل الوصفات
#seafood طعمها خرافي وشكلها لذيذ تقدري تستخدميها كأنها مقبلات جنب اي أكله سي فود (ثمار البحر) محترمة
المقادير
- لفه جلاش هنحولها لشرائح جلاش مقطعة مربعات متوسطة
- كوب اصابع كابوريا مقطع قطع صغيرة (اختياري)
- كوب قطع صغيرة سبيط (حبار) مقطع
- كوب قطع صغيرة جمبري مقطع
- مكعبات فلفل ألوان (اخضر واصفر واحمر) مقطع حبه من كل نوع
- ملح وفلفل اسود حسب الرغبة
- 2 م ك زبدة او سمنة
- 1/2 كوب ميكس جبن (شيدر وموزاريلا)
- م ك بهارات كيجن
- مايونيز او رانش صوص للتزيين
طريقة التحضير
- اولا التوابل الكيجن لو مش عندك انتي ممكن تخلطي ثوم بودر مع توابل ايطاليةوبابريكا وفلفل حار مجفف وزعتر وبصل بودر
- هنجيب بوله هنحط الجمبري والسبيط و اصابع الكابوريا ونتبلها بالتوابل الكيجن ونشوحها في سمنه في طاسه على نار لحد مالونه يتغير ونحط ملح وفلفل وفلفل الالوان المتقطع ونقلب ولما ينضجوا هنقفل عليهم
- نسيح سمنه في طبق على جنب
- نجيب صينيه كب كيك وندهن مكان الكب ونجيب جلاش يكون متقطع مربعات متوسطه ونحطهم عكس عكاس علشان يديكي شكل ورده وندهن مابين ورقه ورقه سمنه هي اخدت مني يعتبر ٤ مربعات جلاش انتي شوفي على حسب سمك اللي عندك
- وبعد ماعملنا طبقات الجلاش هنحط طبقه ميكس جبن وبعدين نحط خليط الجمبري وسبيط
- هنكرر نفس خطوات في باقي صينيه
- ونحطها في الفرن تأخذ لون ذهبي وجلاش يستوي وهي مش هتاخد وقت لان كده كده خليط جمبري بالسبيط اصلا مستوي
- ونطلعها براحه كده في اطباق تقديم ونزينها برانش صوص او مايونيز وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد