→ كل الوصفات

جلاش محشي كنافه ومكسرات

طريقة عمل جلاش محشي كنافه ومكسرات سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • لفة جلاش
  • 1/4 كيلو كنافه
  • كوب الا ربع سمنه او ذبدة صفرا
  • 1/4 كوب سوداني مطحون
  • معلقة جوزة الهند
  • 1/4 معلقة قرفه (اختياري)
  • العسل
  • كوب ونصف سكر
  • كوب وربع ماء
  • 1/2 ليمونه
  • رشه فانيليا
  • 1/4 معلقه عسل ابيض
  1. اولا: نحضر حشوة الجلاش
  2. ملحوظه : الكنافه هنكون حطينها في الفريزر وبعد ما تتجمد هنطلعها ونضعها في الكبه علشان تتقطع قطع صغيره
  3. وبعد ذلك نحضر صينيه ونضع بها معلقتين سمنة كبار ثم نضع الكنافه ونقلب فيها حتي نحصل علي اللون الذهبي
  4. وبعد ذلك نضع السوداني وجوزه الهند والقرفه ومعلقتين تلاته من العسل الي عملناه
  5. ثانيا :نقطع الجلاش بالطول
  6. ونبدا بالحشو هنجيب ٢ من الجلاش فوق بعض وهنبدا ندهنها بالسمن او الذبده ونضع الحشوه ونلفها
  7. ونكرر في كمية الجلاش كلها بنفس الطريقه
  8. نكون مشغلين الفرن علي درجة حرارة ١٨٠ والفرن يكون سخن وندخل الجلاش واول ما ياخد لو من تحت نشغل الشوايه عليه من فوق
  9. ثالثا: طريقة العسل او الشربات: نضع كمية السكر علي الماء ونضعهم علي النار حتي تغلي ثم نضع الليمون وعندما يعقد السكر نقفل عليه النار ثم نضع الفانيليا والعسل
  10. ملحوظه : العسل هنعمله الاول
  11. اول ما نطلع الجلاش من الفرن نضعه في العسل وبعدين نطلعه من العسل علي مصفي علشان نصفي العسل الزياده منه
  12. وبالف هنا💐
عجبتك الوصفة؟
شوف كل وصفاتنا في مكان واحد
كل الوصفات →